लोणी काळभोर : फुरसुंगी (ता. हवेली) येथील प्रसिद्ध बांधकाम व्यावसायिक राजेंद्र गेनू हरपळे (वय 61) यांचे गुरुवारी (ता.1) सकाळी सात वाजण्याच्या सुमारास अल्पशा आजाराने निधन झाले आहे. बांधकाम क्षेत्रातील हुशार, अनुभवी, प्रेमळ व एक उत्कृष्ट नेतृत्व हरपल्याने फुरसुंगी सह परिसरात शोककळा पसरली आहे.
दरम्यान, राजेंद्र हरपळे यांच्या पार्थिवावर फुरसुंगी येथील स्मशानभूमीत शोकाकुल वातावरणात अंत्यसंस्कार करण्यात आले. यावेळी राजकीय, सामाजिक व बांधकाम क्षेत्रातील अधिकाऱ्यांनी मोठ्या संख्येनी हजेरी लावली. त्यांच्या पश्चात दोन भाऊ, दोन बहिणी, पत्नी, दोन मुले, सुना व नातवंडे असा मोठा परिवार आहे. थेऊर येथील उद्योजक गणेश कुंजीर व विनायक कुंजीर यांचे ते मामा होत.
