पुणे : येरवडा पोलीस स्टेशन आणि गुन्हे शाखेच्या युनिट-4 यांनी संयुक्त कारवाई करून कल्याणीनगर येथील निद्रा बॉडी स्पा सेंटरवर छापा टाकून अनैतिक मानवी वाहतूक प्रकरण उघडकीस आणले.या कारवाईत तिघांना अटक करण्यात आली असून, तीन पीडित महिलांची सुटका करण्यात आली आहे.
ही कारवाई शुक्रवारी(दि.१६) सायंकाळी पावणे सहा ते सात वाजण्याच्या दरम्यान करण्यात आली. आरोपींनी महिलांना पैशाचे आमिष दाखवून त्यांच्याकडून देहव्यापार करवून घेतल्याचे निष्पन्न झाले. आरोपींमध्ये हर्षवर्धन सिंग मोडासीया (वय-२२,कोरेगाव पार्क,पुणे), आसाफुल इस्लाम(वय-२३,आसाम) यांचा समावेश असून,हर्षवर्धन मोडासीया व आसाफुल इस्लाम या आरोपींना पोलिसांनी अटक केली आहे.मात्र,स्पा सेंटरचा मालक जुनेद फारुख शेख(रा.अहिल्यानगर)हा फरार आहे.त्याच्या शोधासाठी पोलिसांचे पथक रवाना झाले आहे.
स्पा सेंटरमधून पंधरा हजार रुपये रोख,दहा हजार रुपयांचा एक मोबाईल आणि चार कंडोम पॅकेट असा एकूण पंचवीस हजार रुपयांचा मुद्देमाल आरोपीकडून जप्त करण्यात आला आहे.आरोपींविरुद्ध अनैतिक मानवी वाहतूक प्रतिबंधक कायद्या अन्वये गुन्हा दाखल करण्यात आला आहे.
ही यशस्वी कारवाई गुन्हे शाखेचे पोलीस निरीक्षकविजय ठाकर यांच्या नेतृत्वाखाली करण्यात आली. कारवाईमध्ये येरवडा पोलीस स्टेशन व युनिट-4 यांच्या पथकाने महत्त्वाची भूमिका बजावली.
दरम्यान ‘पुणे प्राईम न्यूज’शी बोलताना वरिष्ठ पोलीस निरीक्षक शेळके यांनी माहिती देताना सांगितले की, “पुणे शहरात अशा अनैतिक धंद्यांना आळा घालण्यासाठी पोलीस कटीबद्ध असून,पुढील काळात देखील अशा कारवाया अधिक तीव्र करण्यात येणार आहेत.”
