पुणे : राज्याचे उपमुख्यमंत्री अजित पवार हे सध्या शिरूर मतदारसंघाच्या दौऱ्यावर आहेत. कालच, सोमवारी त्यांनी खासदार अमोल कोल्हे यांच्यावर जोरदार टीका केली होती. त्यानंतर दुसऱ्याच दिवशी अजितदादा कोल्हेंच्या शिरूर मतदारसंघात पाहणी दौऱ्यासाठी पोहचले आहेत.
यावेळी अजित पवारांनी पत्रकारांशी संवाद साधत पुन्हा अमोल कोल्हे यांच्यावर निशाणा साधला आहे. ते म्हणाले की, कालच्या चॅलेंजच्या आणि आजच्या दौऱ्याचा काहीही संबंध नाही. अधिवेशन काळातच हा दौरा नियोजित होता. अमोल कोल्हेंची प्रतिक्रिया त्यांना लखलाभ, शिरूरबाबत मी जे बोललो तेच फायनल आहे असं त्यांनी म्हटलं.
खासदार अमोल कोल्हे यांना चॅलेंज दिल्यानंतर उपमुख्यमंत्री अजित पवार यांनी मंगळवारी पहाटे शिरूर लोकसभा मतदारसंघाची पाहणी केली. यावेळी त्यांनी विकासकामांचा देखील आढावा घेतला आहे. यावेळी माध्यमांसोबत बोलताना आम्ही आमचा निर्णय घेणार, शिरूरबाबत मी जे बोललो तेच फायनल, असं ठाम मत अजित पवार यांनी व्यक्त केलं आहे. काल दिलेल्या चॅलेंजचा आजच्या दौऱ्यासोबत काही संबंध नाही. माझा दौरा नियोजित होता, असंही अजित पवार यांनी स्पष्ट केलं आहे.
