अहमदाबाद: गुजरातच्या अहमदाबादमध्ये एअर इंडियाच्या ए-१७१ फ्लाइटच्या अपघातामुळे मोठ्या नुकसानाची शक्यता वर्तवली जात आहे. या विमानात पायलट आणि केबिन क्रू मिळून एकूण २४२ प्रवासी होते. यामध्ये १३० जण गंभीर जखमी झाल्याची माहिती समोर येत आहे. विमान ज्या ठिकाणी कोसळले, ती जागा एअरपोर्टच्या जवळच आहे आणि तिथे डॉक्टरांच्या हॉस्टेलची इमारत होती. विमानाचा भाग इमारतीवर कोसळल्यामुळे सुमारे २० इंटर्न डॉक्टरांच्या मृत्यूची शक्यता वर्तवली जात आहे.
मिळालेल्या माहितीनुसार, त्या हॉस्टेलमध्ये अनेक विद्यार्थी होते. विमानात १६९ भारतीय प्रवासी होते आणि उर्वरित प्रवासी परदेशी नागरिक होते. पंतप्रधान नरेंद्र मोदी आणि केंद्रीय गृहमंत्री अमित शहा यांनी या दुर्घटनेबाबत माहिती घेतली असून ते दोघेही अहमदाबादकडे रवाना झाले आहेत, अशी सूत्रांची माहिती आहे.
२० इंटर्न डॉक्टरांच्या मृत्यूची शक्यता…
अहमदाबादहून लंडनकडे जाणाऱ्या विमानात तांत्रिक बिघाडामुळे स्फोट झाला आणि त्यानंतर विमानाचा एक भाग बी. जे. मेडिकल कॉलेजच्या हॉस्टेलवर कोसळला. हा अपघात घडताना तिथे वैद्यकीय शास्त्राचा अभ्यास करणारे अनेक विद्यार्थी राहत होते. या दुर्घटनेत २० इंटर्न डॉक्टरांचा मृत्यू झाल्याची भीती व्यक्त केली जात आहे. हा आकडा आणखी वाढण्याची शकता आहे.
