Uruli News : उरुळी कांचन, (पुणे) : उरुळी कांचनचे भाग्यविधाते कर्मयोगी कै. डॉ. मणिभाई देसाई यांच्या १०६ व्या जयंतीचे औचित्य साधून डॉ. मणिभाई देसाई सहकारी पतसंस्था व लोणी काळभोर येथील विश्वराज हॉस्पिटल यांच्या संयुक्त विद्यमाने भव्य रक्तदान आणि मोफत आरोग्य तपासणी शिबिराचे आयोजन सोमवारी (ता. २७) करण्यात आले होते. या शिबिराला नागरिकांचा उत्स्फूर्त प्रतिसाद लाभला. Uruli News
या सामाजिक उपक्रमाचे उद्घाटन पुणे जिल्हा परिषदेचे अध्यक्ष वीरधवल जगदाळे यांच्या हस्ते करण्यात आले. कार्यक्रमाच्या अध्यक्षस्थानी विश्वराज हॉस्पिटलचे जनरल मॅनेजर डॉ. आशिषकुमार दोशी होते. Uruli News
यावेळी जिल्हा परिषदेचे समाजकल्याण सभापती जितेंद्र बडेकर, पंचायत समितीचे सभापती युवराज काकडे, दौंड सभापती सुखदेव चोरमले, जिल्हा परिषद सदस्या गायत्री खळदकर, मनीषा ढोले कदम, पंचायत समिती सदस्य कृषिराज चौधरी, कोमल कांबळे, कोंडीराम चौधरी, ज्येष्ठ माजी सरपंच ज्ञानोबा कांचन, माजी सरपंच संतोष हरिभाऊ कांचन, अमित बाबा कांचन, यशवंत कारखान्याचे संचालक संतोष कांचन, सुशांत दरेकर, पोपट महाडिक, मारुती थोरात, शशिकांत चौधरी, उपस्थित होते. Uruli News
सदर रक्तदान शिबिरामध्ये ७६ रक्तदात्यांनी सहभाग घेतला व ४१२ नागरिकांनी मधुमेह तपासणी, ई.सी.जी., हिमोग्लोबिन, रक्तदाब, हाडांची ठिसुळता मोफत तपासणीचा लाभ घेतला. १६७ नागरिकांनी नेत्र तपासणीचा व मोफत चष्मे वाटप, शिबिराचा लाभ घेतला. सदर कार्यक्रमासाठी जिल्हा परिषद व पंचायत समिती सदस्य, विविध गावचे सरपंच, उपसरपंच, ग्रामपंचायत सदस्य इ. उपस्थित होते. Uruli News
पतसंस्थेची आर्थिक घोडदौड
कार्यक्रमाच्या प्रास्ताविकामध्ये पतसंस्थेचे संस्थापक अध्यक्ष राजेंद्र कांचन यांनी संस्थेच्या आर्थिक प्रगतीचा आढावा सादर केला. ३१ मार्च २०२६ अखेर संस्थेने ७ कोटी रुपयांचा घवघवीत नफा मिळवला आहे. सध्या संस्थेकडे ३६२ कोटी २४ लाखांच्या ठेवी असून, २७९ कोटी ३६ लाखांचे कर्जवाटप आणि १२७ कोटींची गुंतवणूक आहे, अशी माहिती त्यांनी दिली. यावेळी पतसंस्थेचे सर्व संचालक, सल्लागार व कर्मचारी मोठ्या संख्येने उपस्थित होते. कार्यक्रमाचे सूत्रसंचालन संगीता काळे यांनी केले, तर उपाध्यक्ष रामदास चौधरी यांनी उपस्थितांचे आभार मानले. Uruli News
