Shirur Market Committee : शिरूर, (पुणे) : शिरूर कृषी उत्पन्न बाजार समितीच्या निवडणुकीच्या पार्श्वभूमीवर मतदार यादीवरून मोठा वाद निर्माण झाला असून, प्रारूप मतदार यादीत झालेल्या कथित घोळामुळे तब्बल 797 ग्रामपंचायत सदस्यांना मतदानाच्या हक्कापासून वंचित ठेवण्याचा प्रकार समोर आला आहे. त्यामुळे तालुक्यात संतापाची लाट उसळली आहे. Shirur Market Committee
13 एप्रिल रोजी प्रसिद्ध झालेल्या प्रारूप मतदार यादीत शिरूर तालुक्यातील 96 ग्रामपंचायतींपैकी केवळ 18 ग्रामपंचायतींचे 206 सदस्य समाविष्ट करण्यात आले आहेत.उर्वरित ग्रामपंचायतींच्या सदस्यांना थेट डावलण्यात आल्याने या निवडणूकीच्या पारदर्शकतेवरच प्रश्नचिन्ह उभे राहिले आहे. या प्रकरणी माजी आमदार ॲड. अशोक पवार यांनी जिल्हा निवडणूक अधिकारी तथा जिल्हा उपनिबंधक, सहकारी संस्था पुणे (ग्रामीण) यांच्याकडे लेखी तक्रार दाखल करत प्रशासनावर थेट हल्लाबोल चढवला आहे. Shirur Market Committee
पवार यांनी दिलेल्या निवेदनात स्पष्ट केले आहे की, 23 व 24 फेब्रुवारी 2026 रोजी मुदत संपलेल्या 71 ग्रामपंचायतींवर प्रशासक नेमण्यात आले, मात्र, या ग्रामपंचायतींचे तब्बल 729 सदस्य मतदार यादीतून वगळण्यात आले.तसेच,२०२४ मध्ये प्रशासक नेमलेल्या ७ ग्रामपंचायतींतील आणखी 68 ग्रामपंचायत सदस्यांनाही स्थान देण्यात आलेले नाही. Shirur Market Committee
सर्वात महत्त्वाची बाब म्हणजे, निवडणुकीसाठी 1 फेब्रुवारी 2026 हा अर्हता दिनांक निश्चित करण्यात आलेला असताना,त्यानंतर झालेल्या प्रशासक नियुक्तीचा आधार घेऊन सदस्यांना वगळणे हा नियमांचा सरळसरळ भंग असल्याचा आरोप पवार यांनी केला आहे.“अर्हता दिनांकापूर्वी अस्तित्वात असलेले सर्व सदस्य मतदानास पात्र असताना, त्यांना डावलणे म्हणजे लोकशाही प्रक्रियेची उघड गळचेपी,” असा घणाघात त्यांनी केला आहे. Shirur Market Committee
या पार्श्वभूमीवर,शिरूर तालुक्यातील 797 सदस्यांना मतदानापासून दूर ठेवण्याचा प्रयत्न हा निवडणुकीच्या पारदर्शकतेवर घाला घालणारा असून,प्रशासनाने तात्काळ दुरुस्ती करून सर्व पात्र सदस्यांचा समावेश करावा,अशी जोरदार मागणी होत आहे. महाराष्ट्र राज्य कृषी उत्पन्न बाजार समित्या(समितीची निवडणूक) नियम-2017 तसेच राज्य सहकारी निवडणूक प्राधिकरणाच्या आदेशानुसार शिरूर बाजार समितीची पंचवार्षिक निवडणूक सन 2026 -2031 या कालावधीसाठी होत आहे. Shirur Market Committee
दरम्यान, प्रारूप मतदार यादी 13 एप्रिल रोजी प्रसिद्ध झाली असून, 27 एप्रिलपर्यंत हरकती व आक्षेप नोंदविण्याची मुदत आहे. त्यानंतर 7 मे रोजी निर्णय घेऊन 12 मे रोजी अंतिम मतदार यादी जाहीर होणार आहे. निवडणुकीपूर्वीच मतदार यादीवरून पेटलेला हा वाद पुढे अधिक तीव्र होण्याची चिन्हे असून,सहकार विभाग यावर काय भूमिका घेते याकडे संपूर्ण शिरूर तालुक्याचे लक्ष लागले आहे. Shirur Market Committee
