Big Breaking News लोणी काळभोर, ता. २४ : लोणी काळभोर (ता. हवेली) येथील गुंड राज पवार व त्याच्या तीन साथीदारांनी कवडीपाट येथील सागर वाईन्स अँड बारमध्ये बाटल्या फोडून खूनाचा प्रयत्न केल्याची घटना ताजी असतानाच, “आम्ही या भागातील भाई आहोत…” अशी धमकी देत राज पवार व त्याच्या दोन सहकाऱ्यांनी कोयत्याचा धाक दाखवून पेट्रोल पंपावर फुकट पेट्रोल भरून घेतल्याचा धक्कादायक प्रकार उघडकीस आला आहे. हि घटना कदमवाकवस्ती (ता. हवेली) ग्रामपंचायत हद्दीत १६ मे रोजी रात्री साडेअकराच्या सुमारास घडली असून याप्रकरणी तिघांवर लोणी काळभोर पोलीस ठाण्यात गंभीर स्वरूपाचे गुन्हे दाखल करण्यात आले आहेत. Big Breaking News
राज पवार, प्रेम गायकवाड (वय माहिती नाही) आणि त्यांच्या एका अनोळखी साथीदार अशी गुन्हा दाखल करण्यात आलेल्या आरोपींची नावे आहेत. याप्रकरणी प्रतिक किसनराव सोळुंके (वय २१, रा. कदमवाकवस्ती, मूळ रा. लातूर) यांनी लोणी काळभोर पोलीस ठाण्यात फिर्याद दिली आहे. Big Breaking News
पोलिसांनी दिलेल्या माहितीनुसार, प्रतिक हे पुणे–सोलापूर महामार्गालगत मनाली रिसॉर्टजवळील इंडियन ऑईल पेट्रोल पंपावर मागील चार महिन्यांपासून मॅनेजर म्हणून कार्यरत आहेत. १६ मे रोजी रात्री साडेअकराच्या सुमारास प्रतिक सोळुंके आणि त्यांचा सहकारी सागर मुसळे हे पेट्रोल पंपावरील काम संपवून घरी जाण्याच्या तयारीत होते. त्यावेळी काळ्या रंगाच्या अॅक्टिव्हावरून राज पवार, प्रेम गायकवाड आणि त्यांचा एक साथीदार पेट्रोल पंपावर आले. त्यांनी रात्रपाळीवरील कर्मचारी सिद्धार्थ आव्हाड याला शिवीगाळ करत “आमचे गाडीमध्ये पेट्रोल टाक… टाकी फुल कर… पैसे मागायचे नाहीत” अशी दमदाटी सुरू केली. Big Breaking News
सिद्धार्थ आव्हाड याने पेट्रोल भरण्यास नकार दिला असता, राज पवार याने “कोयता काढ रे… ह्याला लय माज आला आहे… ह्याचा गेमच करून टाकतो…” अशी थेट जीवे मारण्याची धमकी दिली. त्यानंतर भीतीपोटी कर्मचाऱ्याने त्यांच्या गाडीत पेट्रोल भरून टाकी फुल केली. यावेळी प्रतिक सोळुंके आणि सागर मुसळे यांनी संबंधित तरुणांकडे पेट्रोलचे बिल मागितले असता, प्रेम गायकवाड याने हातावरील रक्त दाखवत “आत्ताच एकाचा गेम करून आलोय… तुझा पण करू का?” अशी धमकी दिली. एवढेच नव्हे तर गाडीला लावलेला कोयता दाखवत “यापुढे आम्ही आलो की गप पेट्रोल भरायचे… पैसे मागायचे नाहीत,” असे म्हणत शिवीगाळ केली आणि तिघे तेथून पसार झाले.
या प्रकारामुळे पेट्रोल पंपावरील कर्मचारी प्रचंड घाबरले. “ते आम्हाला मारून टाकतील,” या भीतीने फिर्यादी प्रतिक सोळुंके हे थेट आपल्या मूळ गावी लातूरला निघून गेले होते. त्यानंतर त्यांनी पेट्रोल पंप मालक नंदकिशोर काळभोर यांना फोनवरून संपूर्ण घटना सांगितली. अखेर पुण्यात परतल्यानंतर त्यांनी लोणी काळभोर पोलिसांत तक्रार दाखल केली. या प्रकरणी लोणी काळभोर पोलिसांनी राज पवार, प्रेम गायकवाड आणि त्यांच्या एका साथीदाराविरोधात भारतीय न्याय संहिता कलम ३०८(५), ३(५), शस्त्र अधिनियम कलम २५(४) तसेच महाराष्ट्र पोलीस अधिनियम कलम १३५, ३७(१), ३७(३) अंतर्गत गंभीर गुन्हे दाखल केले आहेत. Big Breaking News
दरम्यान, लोणी काळभोर परिसरात वाढती गुंडगिरी, कोयत्याचा धाक आणि ‘भाईगिरी’च्या घटनांमुळे नागरिकांमध्ये भीतीचे वातावरण निर्माण झाले आहे. “गुन्हेगारांना पोलिसांचा धाक राहिलेला नाही का?” असा संतप्त सवाल स्थानिक नागरिक उपस्थित करत आहेत. Big Breaking News
