A.R Rahman पुणे : प्रसिद्ध संगीतकार ए आर रहमान यांचा शो पुणे पोलिसांनी मध्येच बंद पाडल्याचा प्रकार समोर आला आहे. कार्यक्रमात रात्री 10 वाजल्यानंतरही ए आर रहमान A.R Rahman यांचे गाणे सुरूच होते. त्यामुळे नियमांचे उल्लंघन केल्याने वरिष्ठ पोलीस निरीक्षकांनी स्टेजवर जाऊन ए आर रहमान यांना गाणं बंद पाडण्यास भाग पाडले.
पुण्यातील राजाबहादुर मिल परिसरात रविवारी रात्री संगीतकार ए आर रहमान यांच्या कार्यक्रमाचे आयोजन करण्यात आले होते. यावेळी हजारोंच्या संख्येने प्रेक्षक उपस्थित होते. यासोबतच पुणे पोलीस दलातील अनेक वरिष्ठ अधिकारीही कुटुंबीयांसह या कार्यक्रमाला उपस्थित होते. परंतु दहा वाजल्यानंतरही कार्यक्रम सुरूच ठेवल्याने चक्क स्टेजवर जाऊन पुणे पोलिसांनी कार्यक्रम बंद पाडला. अखेर पोलिसांनी हस्तक्षेप केल्यानंतर ए आर रहमान स्टेजच्या पाठीमागे निघून गेले.
ए आर रहमान यांना तोंडावरच सुनावले…
दहा वाजल्यानंतरही तुम्ही कसे जाऊ शकता असे म्हणत पोलिसांना ए आर रहमान यांना तोंडावर सुनावले. त्यामुळे रहमान स्टेजच्या पाठीमागे निघून गेले.
दरम्यान, आता या कार्यक्रमाला परवानगीच कशी दिली यावरून पुणे पोलिसांवर पुन्हा एकदा टिकेची झोड उठवली जाऊ लागली आहे.
राजा बहादुर मिल परिसरात अनेक हॉस्पिटल आहेत, हा परिसर सायलेंट झोन आहे. त्यामुळे परवानगी कोणत्या आधार दिली असा, प्रश्न आता विचारला जात आहे.
या कार्यक्रमामुळे पुणे स्टेशन आणि परिसरात प्रचंड वाहतूक कोंडी झाली होती, अनेकांना मनस्ताप झाला. त्यामुळे या कार्यक्रमाला परवानगी देणाऱ्या प्रशासनातील अधिकाऱ्यांवर देखील कारवाई करण्यात यावी अशी मागणी आता सर्वसामान्य नागरिकांकडून केली जात आहे.
