पुणे : पिंपरी-चिंचवड शहरात एक मन हेलावून टाकणारी घटना घडली आहे. पत्नीवर संशय घेणाऱ्या पतीने पत्नीच्या गुप्तांगाच्या दोन्ही बाजूला होल पाडून कुलूप बसवल्याची धक्कादायक घटना घडली आहे. या घटनेने परिसरात मोठी खळबळ उडाली आहे. याप्रकरणी 30 वर्षीय आरोपी पतीला अटक करण्यात आली आहे. 28 वर्षीय पीडीतेवर रुग्णालयात उपचार सुरू आहेत. ही घटना 11 मे रोजी पिंपरी चिंचवड शहरात घडली असून 16 मे रोजी पोलिस ठाण्यात तक्रार देण्यात आली आहे.
नेमकं प्रकरण काय?
हे दाम्पत्य नेपाळ येथील असून ते कामानिमित्त पिंपरी चिंचवड शहरात राहत आहेत. आरोपी हा वॉचमनचे काम करतो आणि महिला गृहिणी आहे. दरम्यान, पत्नीवर पतीचा संशय होता. याचाच रग मनात धरून अकरा मे रोजी रात्री पती रागात घरी आला आणि पत्नीला मारहाण करु लागला. त्यानंतर त्यांने घरातील ब्लेडने फिर्यादी यांच्या गुप्तांगावर वार केले.
चाकू हातात घेऊन पत्नीला जीवे मारण्याची धमकीदेखील दिली. पती एवढ्यावरच न थांबला त्याने थेट ओढणीच्या साहय्याने पत्नीचे हात बांधले आणि लोखंडी खिळ्याने गुप्तांगाच्या दोन्ही बाजूने होल पडून त्यात पितळेचं कुलूप लावलं. या सगळ्याने पत्नीला गंभीर दुखापत झाली. पत्नीवर रुग्णालयात उपचार सुरु आहे.
अमानवीय आणि राक्षसी कृत्याबद्दल पीडीतेने पोलीस ठाण्यात तक्रार दिली आहे. या कृत्याप्रकरणी पोलिसांनी आरोपीला अटक केली आहे. अद्यापही पीडित विवाहित तरुणीवर रुग्णालयात उपचार सुरू आहेत, अशी माहिती पोलिसांनी दिली आहे.
