Accident News : चाकण : भरधाव हायवा ने दुचाकीला दिलेल्या जोरदार दिलेल्या धडकेत वाहतूक पोलिसाचा जागीच मृत्यू झाल्याची धक्कादायक घटना घडली आहे. ही घटना चाकण (ता. खेड) येथील माणिक चौकाजवळ असलेल्या एच.पी.पेट्रोल पंपासमोर मंगळवारी (ता.०८) सकाळी दहा वाजण्याच्या सुमारास घडली आहे. यामुळे पुणे ग्रामीण पोलीस दलावर शोककळा पसरली आहे. (Accident News)
धक्कादायक घटना
योगश गणपत ढवळे (वय-४०, नेमणूक- चाकण वाहतूक विभाग) असे मृत्यू झालेल्या पोलीस कर्मचाऱ्याचे नाव आहे.
मिळालेल्या माहितीनुसार, योगश ढवळे हे चाकण येथील माणीक चौकात मंगळवारी (ता.८) कर्त्यव्य बजावीत होते. दरम्यान, आझादी का अमृत महोत्सव अंतर्गत मेरी मा टी, मेरा देश या उपक्रमामध्ये पोलीस घटकामध्ये आपल्या मातीविषयी जनजागृती, प्रेम व साक्षरता निर्माण व्हावी, वीर योद्धांच्या समर्पणाचे स्मरण करण्यासाठी पंचप्रण शपथ घेण्याचे आयोजन पोलीस दलाच्या वतीने करण्यात आले होते.
पंचप्रण शपथ घेण्यसाठी ढवळे हे दुचाकीवरून चालले होते. दुचाकीवरून जात असताना, भरधाव वेगाने चाललेल्या एका अनोळखी हायवा चालकाने ढवळे यांना जोरदार धडक दिली. या अपघातात ढवळे हे गंभीर जखमी होऊन त्यांचा जागीच मृत्यू झाला आहे. पुढील तपास चाकण पोलीस करीत आहेत. (Accident News)
