Pimpri News : पिंपरी : अंमली पदार्थांची बेकायदा विक्री करण्याचे प्रमाण शहरात दिवसेंदिवस वाढत आहे. भाजीपाल्याचा कचरा असल्याचे सांगत हिंजवडीत गांजा विक्रीसाठी आलेल्या दोघांना पोलिसांनी अटक केली. त्यांच्याकडून ३१ किलो गांजा जप्त केला आहे.

३१ किलो गांजा जप्त

याबाबत मिळालेल्या माहितीनुसार, मैनुद्दीन अब्दुल सत्तार (वय २३) आणि बिपलभ बिधन राणा (वय २४, दोघे रा. हिंजवडी) असे अटक केलेल्या आरोपींचे नाव आहे. (Pimpri News) अवैध धंद्याची माहिती घेत हिंजवडी पोलीस हद्दीत गस्त घालत होते. या वेळी आरोपी टेम्पोमधून गांजी विक्रीसाठी घेऊन येणार असल्याची माहिती पोलिसांना मिळाली. त्यानुसार पोलिसांनी वाकड येथे टेम्पो अडविला.

दरम्यान, पोलिसांनी आरोपींकडे चौकशी केली असता, त्यांनी भाजीपाल्याचा कचरा असल्याचे सांगितले. त्यामुळे पोलिसांचा संशय बळावला. (Pimpri News) पोलिसांनी टेम्पोतील पिशव्यांची झडती घेतली असता, त्यात ब्राऊन रंगाचे १७ पुडे आढळले. त्यामध्ये ३१ किलो १०० ग्रॅम गांजा होता. गांजा आणि टेम्पोसह १४ लाख ३८ हजारांचा ऐवज जप्त करण्यात आला आहे.