लोणी काळभोर : शेअर खरेदी व विक्री करण्याच्या नावाखाली जादा पैसे मिळवून देण्याचे अमिष दाखवून लोणी काळभोर येथील एका महाविद्यालयीन विद्यार्थिनीची सायबर चोरट्यांनी सव्वा २ लाखांची फसवणूक केल्याची घटना घडली आहे. हा प्रकार डिसेंबर 2024, जानेवारी आणि फेब्रुवारी 2025 या तीन महिन्यांच्या कालावधीत घडला आहे.
याप्रकरणी एका 26 वर्षीय विद्यार्थिनीने लोणी काळभोर पोलीस ठाण्यात फिर्याद फिली आहे. त्यानुसार तीन सायबर चोरटे दिवांनशी अग्रवाल, अशोक रेडी, चाणक्य अय्यर यांच्या विरोधात लोणी काळभोर पोलीस ठाण्यात भारतीय न्याय संहीता कलम 319(2), 318(4) सह माहीती तंत्रज्ञान अधिनियम कायदा कलम 66 डी प्रमाणे गुन्हा दाखल करण्यात आला आहे.
पोलिसांनी दिलेल्या माहितीनुसार, फिर्यादी विद्यार्थिनी ही लोणी काळभोर परिसरातील रहिवासी असून एका महाविद्यालयात शिक्षण घेत आहे. दरम्यान, फिर्यादी या 13 डिसेंबर 2024ला घरी असताना, (१२) ९३९४ Shoonya Wealth link या नावाचे व्हॉटसअॅप ग्रुपमधील अॅडमिन इसम नामे दिवांनशी अग्रवाल, अशोक रेडी व Gò G111 Shoonya Wealth Link या ग्रुपचे अॅडमिन चाणक्य अय्यर यांनी ग्रुपमध्ये add केले.
त्यानंतर TRASHOONYA या शेअर मार्केटच्या अॅपमध्ये डिमॅट खाते उघडुन त्यामध्ये इंट्रा डेचे शेअर खरेदी व विक्री करण्यास सांगितले. तसेच ममता मशिनरी लिमीटेड कंपनी व सिटी कैम कंपनीचे आयपीओला सब्क्राईब करण्याचे नावाखाली 2 लाख 32 हजार 500 रुपयांची आर्थिक फसवणूक केली आहे. पुढील तपास लोणी काळभोर पोलीस ठाण्याचे वरिष्ठ पोलीस निरीक्षक राजेंद्र पन्हाळे करीत आहेत.
