उधमपूर: जम्मू आणि काश्मीरमध्ये दहशतवाद्यांचे हल्ल्याचे सत्र सुरूच आहे. पहलगाम येथील घटना ताजी असतानाच जम्मू आणि काश्मीर उधमपूर जिल्ह्यातील दुडू-बसंतगड भागात चकमक झाल्याची माहिती समोर आली आहे. भारतीय लष्कर आणि जम्मू आणि काश्मीर पोलिसांनी दहशतवाद्यांवर संयुक्त कारवाई सुरू केली आहे. विशिष्ट गुप्तचर माहितीच्या आधारे ही कारवाई सुरू करण्यात आली होती. चकमकीदरम्यान, एक पॅरा कमांडो शहीद झाला असून दोन सैनिक जखमी झाल्याची दुखद माहिती समोर आली आहे. शहीद झालेला सैनिक भारतीय लष्कराच्या एलिट पॅरा कमांडो युनिटचा भाग होता.
ऑपरेशन अजूनही सुरू
उधमपूर जिल्ह्यातील दुडू-बसंतगड भागात भारतीय सुरक्षा दल लपून बसलेल्या आणखी दहशतवाद्यांचा शोध घेत आहेत. वरिष्ठ अधिकाऱ्यांच्या देखरेखीखाली शोध मोहीम सुरू आहे. स्थानिक रहिवाशांना सुरक्षित ठिकाणी हलवण्यात आले आहे. जम्मू आणि काश्मीरमध्ये दहशतवादी कारवाया वाढत असल्याने चिंता व्यक्त केली जात आहे. पहलगाममधील घातक दहशतवादी हल्ल्याच्या काही तासांच्या आत उधमपूरमध्ये हा हल्ला करण्यात आला आहे. जम्मू आणि काश्मीरमधील वाढत्या दहशतवादी कारवायांमुळे या प्रदेशातील सुरक्षा परिस्थितीबद्दल चिंता निर्माण झाली आहे.
#OpBirliGali
Based on specific intelligence, a joint operation with @JmuKmrPolice was launched today in #Basantgarh, #Udhampur.
Contact was established and a fierce firefight ensued.One of our #Bravehearts sustained grievous injuries in the initial exchange and later succumbed… pic.twitter.com/eojsj5PPuU
— White Knight Corps (@Whiteknight_IA) April 24, 2025
शहीद जवानांना सर्व स्तरातून आदरांजली वाहिली जात आहे. संरक्षण मंत्री, लष्करप्रमुख आणि अनेक राजकीय नेत्यांनी या घटनेवर शोक व्यक्त केला आहे. जम्मू आणि काश्मीरमधील सुरक्षा दलांना हाय अलर्टवर ठेवण्यात आले आहे आणि पुढील काही दिवस या प्रदेशातील सुरक्षा परिस्थिती निश्चित करण्यासाठी जवान प्रयत्न करत आहेत. जम्मू आणि काश्मीरमधील लोकांची सुरक्षा सुनिश्चित करण्यासाठी केंद्र आणि सुरक्षा संस्था अथक परिश्रम घेत आहेत.
