मुंबई: उद्धव ठाकरेंच्या शिवसेनेच्या पदाधिकाऱ्याची निर्घृण हत्या केल्याची घटना समोर आली आहे. धक्का लागल्याच्या शुल्लक कारणावरून विक्रोळीमध्ये गुरूवारी (२० नोव्हेंबर) रात्री ही धक्कादायक घटना घडली. सुरेंद्र धोंडुराम पाचाडकर असे हत्या करण्यात आलेल्या शिवसैनिकाचे नाव आहे. कट्टर शिवसैनिक म्हणून ते परिचित होते. पाचाडकर यांची लोखंडी रॉडने मारहाण करून हत्या करण्यात आली. या घटनेमुळे परिसरात संताप व्यक्त केला जात आहे. (mumbai latest crime news)
हेही वाचा: बारामती-माळेगावात कट्टर विरोधकांची गोटात एन्ट्री! बारामतीत नेमकं चाललंय काय?
समोर आलेल्या माहितीनुसार, या प्रकरणी अमन श्रीराम वर्मा (१९) आरोपीला पोलिसांनी बेड्या ठोकल्या आहेत. सुरेंद्र पाचाडकर हे घाटकोपर रेल्वे स्थानक परिसरात नियमित फेरफटका मारण्यासाठी यायचे. तेंव्हा घाटकोपर रेल्वे स्थानकाच्या नजदीकच्या सीजीएस कॉलनीमधून चालत जात असताना त्यांना आरोपीचा धक्का लागला. यावरून दोघांमध्ये शाब्दिक बाचाबाची झाली. त्यानंतर वाद वाढून दोघांमध्ये हाणामारी झाली.
आरोपीला अटक करण्यात आली असून पोलीस तपास करीत आहेत.
