गोंदिया: गोंदिया जिल्ह्यातील सडक-अर्जुनी तालुक्यात बाप-लेकीच्या पवित्र (Crime News) नात्याला काळीमा (Gondiya News) फासणारी एक अत्यंत धक्कादायक घटना उघडकीस आली आहे. डुग्गीपार पोलीस स्टेशनच्या हद्दीत एका बापाने स्वतःच्या १४ वर्षीय अल्पवयीन मुलीचं लैंगिक शोषण करून तिला गर्भवती केल्याचा गुन्हा दाखल झाला आहे. पोलिसांनी आरोपी बापाला तात्काळ अटक केली असून, या घटनेमुळे परिसरात तीव्र संतापाची लाट पसरली आहे. (Breaking News)
मिळालेल्या माहितीनुसार, आरोपीची पत्नी अंदाजे दहा वर्षांपासून माहेरी राहत आहे. आरोपीसोबत घरात त्याची अल्पवयीन मुलगी, मुलगा आणि आई राहत होते. मुलगी लहान असल्यामुळे ती बापासोबतच झोपत होती आणि याच विश्वासाचा फायदा घेऊन आरोपी बापाने विकृतपणे तिच्यावर अत्याचार केले. काही महिन्यांपासून मुलीच्या पोटात दुखू लागल्याने तिला गोंदियातील महिला रुग्णालयात तपासणीसाठी नेण्यात आले. तपासणीदरम्यान मुलगी गर्भवती असल्याचा धक्कादायक खुलासा झाला. यानंतर पोलिसांत तात्काळ तक्रार नोंदवण्यात आली.
पोलिसांनी दिलेल्या माहितीनुसार, ९ नोव्हेंबर २०२५ रोजी १४ वर्षीय पीडितेने स्वतःच्या बापाने अत्याचार केल्याची तक्रार दिली होती. यावरून डुग्गीपार पोलीस स्टेशनमध्ये आरोपी बापावर लैंगिक बाल शोषण प्रतिबंधक कायद्यान्वये गुन्हा दाखल करण्यात आला आहे. पोलिसांनी आरोपीला अटक केली असून त्याला २१ तारखेपर्यंत पोलीस कोठडी सुनावण्यात आली आहे. पोलीस या गुन्ह्याचा पुढील तपास करत आहेत. या अमानुष कृत्यामुळे संपूर्ण परिसरात खळबळ उडाली आहे.
