पिंपरी-चिंचवड: राज्य पोलिस दलातील १५० पोलिस निरीक्षकांच्या विनंती बदल्यांचे आदेश जारी करण्यात आले आहेत. यामध्ये विविध पोलिस घटकांमधून १२ पोलिस निरीक्षकांची पिंपरी-चिंचवड पोलिस आयुक्तालयात बदली करण्यात आली आहे. तर आयुक्तालयातील दोन निरीक्षकांची इतर पोलिस घटकांमध्ये बदली करण्यात आली आहे. याशिवाय पिंपरी-चिंचवड पोलिस आयुक्तालयांतर्गत सहा निरीक्षकांच्या अंतर्गत बदल्याही करण्यात आल्या आहेत.
पिंपरी-चिंचवड पोलिस आयुक्तालयात बदली झालेल्या निरीक्षकांमध्ये प्रशांत आरदवाड, हेमंत कदम, रवींद्र कदम, सिद्धराम म्हेत्रे, विजयकुमार शिंदे, देवेंद्र चव्हाण, सुरेखा घार्गे, चंद्रकांत जाधव, राजेंद्र निकाळजे, गोताराम शेवाळे, सोमनाथ जाधव आणि अमोल गवळी यांचा समावेश आहे. हे अधिकारी मुंबई दहशतवादविरोधी पथक, धाराशिव, पुणे शहर, पुणे गुन्हे अन्वेषण विभाग, पोलिस प्रशिक्षण केंद्र खंडाळा, मुंबई शहर, नांदेड, ठाणे शहर, छत्रपती संभाजीनगर शहर आणि पोलिस प्रशिक्षण केंद्र सोलापूर अशा विविध ठिकाणी कार्यरत होते.
दरम्यान, पिंपरी-चिंचवड पोलिस आयुक्तालयातील निरीक्षक प्रदीप रायण्णावर यांची रायगड येथे, तर शत्रुघ्न माळी यांची नवी मुंबई येथे बदली करण्यात आली आहे.
आयुक्तालयातील अंतर्गत बदल्यांमध्ये संतोष पाटील यांची तळेगाव एमआयडीसी पोलिस ठाण्यातून गुन्हे शाखेत, अर्जुन घोडे पाटील यांची निगडी पोलिस ठाण्यातून गुन्हे शाखेत बदली झाली आहे. विजयानंद पाटील यांची पिंपरी पोलिस ठाण्यातून तळेगाव एमआयडीसी पोलिस ठाण्यात नियुक्ती करण्यात आली आहे.
तसेच नरेंद्र ठाकरे यांची नियंत्रण कक्षातून गुन्हे शाखेत, प्रदीप पाटील यांची नियंत्रण कक्षातून वाहतूक शाखेत, तर तेजस्विनी कदम यांची गुन्हे शाखेतून वाहतूक शाखेत बदली करण्यात आली आहे.
या बदल्यांमुळे पिंपरी-चिंचवड पोलिस आयुक्तालयातील विविध शाखा आणि पोलिस ठाण्यांमध्ये अधिकाऱ्यांच्या जबाबदाऱ्यांमध्ये बदल होणार आहेत.
