बारामती: बारामती नगरपालिका निवडणुकीत उपमुख्यमंत्री अजित पवार यांच्या (Baramati Nagar-Parishad) राष्ट्रवादी काँग्रेस पक्षाने प्रारंभीच जोरदार (Ajit Pawar) मुसंडी मारली आहे. उमेदवारी अर्ज मागे घेण्याच्या शेवटच्या दिवशी झालेल्या नाट्यमय घटनांनंतर पक्षाचे आठ नगरसेवक बिनविरोध निवडून आले. स्थानिक पातळीवर (Pune News) नेतेमंडळींनी गुरुवार रात्रीपासूनच बिनविरोध निवडीसाठी प्रयत्न सुरू केले होते. विरोधी पक्षातील उमेदवारांना विनंती करून काहींना माघार घ्यायला भाग पाडण्यात आले आणि त्यातून आठ जागा बिनविरोध झाल्या. मात्र, आणखी चार जागांसाठी केलेले प्रयत्न अपयशी ठरले. (Breaking News)
बारामतीत नगराध्यक्षपदासाठी 14 अर्ज तर नगरसेवक पदासाठी 165 अर्ज अद्याप शिल्लक आहेत. त्यामुळे बारामती नगरपरिषदेतील ही लढत प्रामुख्याने अजित पवार यांच्या नेतृत्वाच्या प्रतिष्ठेची बनली आहे आणि राज्याचे लक्ष या निवडणुकीकडे लागले आहे.
राष्ट्रवादी काँग्रेसचे किरण गुजर, सचिन सातव, जय पाटील, अमर धुमाळ यांसह स्थानिक कार्यकर्त्यांनी बिनविरोध निवडीसाठी जोरदार हालचाली केल्या. त्यांच्या समन्वयामुळे प्रभाग दोन ‘अ’ मधून अनुप्रिता तांबे, पाच ‘अ’ मधून किशोर मासाळ, सहा ‘अ’ मधून धनश्री बांदल, सहा ‘ब’ मधून अभिजित जाधव, आठ ‘अ’ मधून श्वेता नाळे, सतरा ‘ब’ मधून शर्मिला ढवाण, अठरा ‘ब’ मधून अश्विनी सातव आणि वीस ‘ब’ मधून अफरीन बागवान हे आठ उमेदवार बिनविरोध विजयी झाले.
शेवटच्या दिवशी नगरसेवक पदासाठी दाखल केलेल्या 77 जणांनी, तर नगराध्यक्षपदासाठी दोघांनी अर्ज मागे घेतले. त्यामुळे 41 पैकी आठ जागा निवडणुकीपूर्वीच हातात आल्याने राष्ट्रवादी काँग्रेसने मजबूत आघाडी घेतल्याचे चित्र स्पष्ट झाले आहे. आता उर्वरित जागांसाठी होणाऱ्या प्रत्यक्ष मतदानातून कोणते समीकरण तयार होणार, याकडे राज्याचे लक्ष लागले आहे.
