मुंबई: भाजपच्या नेत्या आणि मंत्री पंकजा मुंडे यांचे स्वीय सहाय्यक अनंत गर्जे (Anant Garje Arrest) यांना डॉ. गौरी पालवे-गर्जे (Gauri Palave-Garje) यांच्या कथित आत्महत्या प्रकरणी वरळी पोलिसांनी अटक केली आहे. रविवारी मध्यरात्री सुमारे १ वाजता ही अटक करण्यात आली. गौरी गर्जे यांनी दोन दिवसांपूर्वी मुंबईतील आपल्या निवासस्थानी आत्महत्या केल्याची घटना घडली होती. (latest marathi news)
डॉ. गौरी गर्जे यांच्या आत्महत्येनंतर त्यांच्या कुटुंबीयांनी अनंत गर्जे यांच्यावर गंभीर आरोप केले होते. या आरोपांच्या आधारावर वरळी पोलिसांनी तत्काळ कारवाई करत गर्जे यांना ताब्यात घेतले. विशेषतः, कुटुंबीयांनी हा आत्महत्येचा प्रकार नसून, गौरी यांची हत्या असल्याचा थेट आरोप केला आहे. तसेच, अनंत गर्जे यांच्या विरोधात आपल्याकडे ठोस पुरावे असल्याचेही कुटुंबीयांनी पोलिसांना सांगितले आहे.
हेही वाचा: 2 मिनिटांच्या प्रवासाठी 2 तास! खुटबाव चौकात ट्रॅफिक जामने नागरिक त्रस्त; केली ‘ही’ मागणी
24 तासांत अटक
गौरी पालवे यांच्या आत्महत्येनंतर राज्यभरात संतप्त प्रतिक्रिया उमटल्या होत्या. कुटुंबीयांनी वरळी पोलीस ठाण्यात अनंत गर्जे यांच्याविरोधात गुन्हा दाखल केल्यानंतर, पोलिसांनी तातडीने सूत्रे हलवत 24 तासांच्या आत त्यांना बेड्या ठोकल्या आहेत. कुटुंबीयांच्या गंभीर आरोपामुळे पोलिसांनी चौकशीला सुरुवात केली आहे.
या प्रकरणात योग्य आणि कठोर कारवाई व्हावी, अशी मागणी मंत्री पंकजा मुंडे यांनी केली आहे. सध्या वरळी पोलीस अनंत गर्जे यांची कसून चौकशी करत आहेत.
हेही वाचा: शेतकऱ्यांसाठी महत्वाची बातमी..! शेतकरी दाखला काढायचा असेल तर जाणून घ्या ‘या’ महत्त्वाच्या गोष्टी
गर्जे यांचे आरोपांचे खंडन
दरम्यान, अटकेपूर्वी अनंत गर्जे यांनी प्रसारमाध्यमांशी बोलताना त्यांच्यावरील सर्व आरोप फेटाळून लावले आहेत. तरीही, कुटुंबीयांच्या ‘खून’ आणि ‘पुराव्यां’च्या दाव्यामुळे प्रकरणातील गुंतागुंत अधिकच वाढली आहे. वरळी पोलीस या प्रकरणाचा सखोल तपास करत आहेत.
