पुणे : भिमा कोरेगाव विजय स्तंभ १ जानेवारी रोजी लाखो अनुयायी विजय स्तंभाला सलामी व अभिवादन करण्यासाठी येत असल्याने पुणे जिल्हा प्रशासनाने नियोजन सभा आयोजित करण्यात आली.
पुणे जिल्हा प्रशासन आणि विवीध पक्ष संघटना पदाधिकारी व कार्यकर्ते समाज बांधव यांच्या उपस्थितीत पुणे विश्रांतवाडी मेंटल कॉर्नर डॉ, बाबासाहेब आंबेडकर, महात्मा ज्योतिबा फुले, विकास महामंडळ बारर्टी प्रशासकीय इमारत येथे सभा आयोजित करण्यात आली होती.
यावेळी, महाराष्ट्र राज्य पुणे जिल्ह्यातील सर्व प्रशासन अधिकारी उपविभागीय अधिकारी, तहसीलदार, पोलीस प्रशासन अधिकारी आणि विविध राजकीय पक्ष संघटना पदाधिकारी व कार्यकर्ते समाज बांधव, पुणे शहरातील विविध पक्ष संघटना पदाधिकारी व अनुयायी मोठ्या संख्येने उपस्थित होते.
तसेच भिमा कोरेगाव पेरणे फाटा विजय रणस्तंभ या ठिकाणी येणाऱ्या लाखो अनुयायी समाज बांधवांना कायदा व सुव्यवस्था अबाधित राखण्यासाठी उपयुक्त विविध सुविधा उपलब्ध करून देण्यात याव्यात अशी चर्चा यावेळी करण्यात आली.
सोलापूर पूर्व भागातून असंख्य अनुयायी भिमा कोरेगाव येथे येत असताना महामार्गावरील वाहतुक कोंडी पाहता, या संदर्भात चर्चा करण्यात आली. सोलापूरकडून येणारे अनुयायी इंदापूर दौंड केडगाव चौफुला हवेली उरुळी कांचन हडपसर या पूर्व भागातील महामार्गावरील वाहतूक कोंडी पाहता, भीमसैनिकांची व नागरिकांची वाहतूक कोंडी संदर्भात गैरसोय होऊ नये, तसेच ठिक ठिकाणी पोलीस बंदोबस्त ठेवण्यात यावेत.
केडगाव चौफुला उरूळी कांचन पासुन भिमा कोरेगाव पर्यंत पीएमपीएल बस सुविधा उपलब्ध झाल्यास, अधिक सोईस्कर होईल, अशी मागणी जिल्हा व्यवस्थापन प्रशासनाकडे, दौंड, हवेली राजकीय पक्ष संघटना पदाधिकारी यांनी केली आहे, पेरणे फाटा व भिमा कोरेगाव या ठिकाणी एलइडी स्क्रिन बसविण्यात यावे.
विजय स्तंभावरील शुरविर सैनिकांची नावे वाचण्यासाठी भीम अनुयायी गर्दी करत असतात. गर्दी कमी करण्यासाठी ठीक ठिकाणी विजयास्तंभ वरील शुरविरांची नावे बॅनर बोर्ड फ्लेक्स लावण्यात यावेत. अशी मागणी देखील यावेळी करण्यात आली आहे.