Pimpri News : पिंपरी : मित्राने आई आणि बहिणीवरून अश्लील शिव्या दिल्यामुळे त्याच्या गळ्यावर चाकूने वार करून त्याची हत्या केल्याची धक्कादायक घटना नुकतीच पिंपरी-चिंचवड परिसरात उघडकीस आली आहे. याप्रकरणी वाकड पोलिसांनी दोघांना अटक केली आहे.
वाकड पोलिसांची कामगिरी
याबाबत मिळालेल्या अधिक माहितीनुसार, सूरज उर्फ जंजीर कांबळे असे हत्या झालेल्या तरुणाचे नाव आहे. सूरज पंकज पाचपिंडे आणि अमरदीप उर्फ लखन जोगदंड या दोन आरोपी मित्रांसह दारू प्यायला बसले होते. सुरजने दोघांनाही आई आणि बहिणीवरून शिव्या दिल्या तेव्हा दोघांनी सुरजच्या गळ्यावर धारदार चाकूने वार करून त्याची हत्या केली. (Pimpri News) याबाबत पोलिसांनी दिलेल्या माहितीनुसार, सुरज कांबळे हा ७ ऑक्टोबरपासून बेपत्ता होता. वाकड पोलिसांत तो बेपत्ता असल्याची तक्रार देखील दाखल करण्यात आली होती. तपासादरम्यान ठीक दहा दिवसांनी त्याचा मृतदेह बावधन येथील एका नाल्यात सापडला. त्यावेळी त्याची हत्या झाल्याचे उघडकीस झाले.
याप्रकरणाचा शोध घेताना वाकड पोलीस ठाण्याचे वरिष्ठ पोलीस निरीक्षक गणेश जवादवाड यांनी या गुन्ह्यातील आरोपींना शोधण्यासाठी तपासाची चक्रे वेगाने फीरवली. तपास सुरू असताना सुरज कांबळे ज्या दिवशी बेपत्ता झाला त्या दिवशी सुरज सोबत पंकज पाचपिंडे आणि अमरदीप जोगदंड हे दारू प्यायला बसले असल्याची माहिती पोलिसांना मिळाली. (Pimpri News) अमरदीप आणि पंकजचा फोनही बंद येत असल्याने वाकड पोलिसांचा संशय आला.
पोलिसांनी शोध घेत दोघांनाही बीड जिल्ह्यातील अंबाजोगाई येथून अटक केली. चौकशीदरम्यान सूरजने आरोपींना आई-बहिणीवरून अश्लील शिवीगाळ केल्याच्या रागातून दोघांनी धारदार चाकून गळ्यावर वार करत सूरजची हत्या केल्याचे मान्य केले. (Pimpri News) सुरजचा मृतदेह गोधडीत गुंडाळून तो बावधन येथील नाल्यात टाकून देण्यात आला आणि दोन्ही आरोपी त्यांच्या मूळ गावी पळून गेले होते.
ही कामगिरी वरिष्ठ पोलीस निरीक्षक गणेश जवादवाड यांच्या मार्गदर्शनाखाली केली आहे.
अधिक बातम्या वाचण्यासाठी येथे क्लिक करा :
Pimpri News : कामावरून काढून टाकण्याची धमकी देऊन मानसिक छळ केल्याने तरुणाची गळफास घेऊन आत्महत्या;
Pimpri News : सासरच्यांनी दिला त्रास ; जावयाने घेतला गळफास, वाकड परिसरातील घटना..
