Nashik News : पंचवटी : नाशिक जिल्ह्यातून खळबळजनक बातमी समोर आली आहे. एका 30 वर्षिय अभियंत्याने प्रेमभंगातून डोक्यात गोळ्या झाडून आत्महत्या केली आहे. हा प्रकार नाशिक-पुणे महामार्गावर असलेल्या पळसे येथील दारणा नदी जवळील भैरवनाथ मंदिराजवळ घडला. या अभियंत्याचे वर्षभरापूर्वीच लग्न झाले होते. या घटनेनंतर कुटुंबियांवर दुःखाचा डोंगर कोसळला आहे.
वर्षभरापूर्वीच झाले होते लग्न
संदीप नाना सहाने (30, रा. मराठा नगर, लंबोदर हाईटस, चेहडी पंपिंग, मूळ रा. नळवाडी, सिन्नर) असे आत्महत्या करणाऱ्या अभियंत्याचे नाव आहे.
मिळालेल्या माहितीनुसार, सॉफ्टवेअर इंजिनियर असलेल्या पत्नीसह संदीप राहत होता. एक वर्षापुर्वी त्याचा विवाह झाला होता. सध्या माळेगाव एमआयडीसी येथील एका कंपनीत मेकॅनिकल इंजिनियर म्हणून काम करत होता. (Nashik News) संदीप याचे आपल्याच नात्यातील एका मुलीवर प्रेम होते. मात्र, दोघांचाही विवाह वेगवेगळ्या ठिकाणी झाल्याने संदीप हा गेल्या काही महिन्यांपासून व्यथित होता. मंगळवार (दि. २०) रोजी तो प्रेयसीला भेटण्यासाठी गेला होता. मात्र, भेट न झाल्याने तो माघारी आला होता. बुधवार (दि.20) रोजी सकाळी पत्नीला दर्शनाला जातो, असे पत्नीला दुचाकी घेऊन गेला होता.
दरम्यान, बराच वेळ झाला तरी संदीप घरी न आल्याने त्याच्या पत्नीने त्याचा मामेभाऊ समाधान पगार याला फोनवर माहिती दिली. (Nashik News) समाधान हा संदीप दर्शनासाठी गेलेल्या पळसे येथील दारणा नदी जवळ असलेल्या भैरवनाथ मंदिरात पोहचला असता, संदीप रक्ताच्या थारोळ्यात मृत झालेला दिसून आला.
अधिक बातम्या वाचण्यासाठी येथे क्लिक करा :
Nashik News : समृद्धी महामार्गावर भीषण अपघात; चौघांचा मृत्यू, चार जखमी
