Hadapsar News : हडपसर, (पुणे) : ज्वेलर्सच्या दुकानात काम करणाऱ्या एका २० वर्षीय महिला कर्मचाऱ्यासोबत गैरवर्तन करुन विनयभंग केल्याप्रकरणी ज्वेलर्सच्या दुकान मालकावर हडपसर पोलीस ठाण्यात गुन्हा दाखल करण्यात आला आहे. रविवारी (ता. १५) दुपारी आणि सोमवारी (ता. १६) सकाळी साडे अकरा वाजण्याच्या सुमारास हि घटना ज्वेलर्सच्या दुकानाच्या पहिल्या मजल्यावर घडली आहे.
गुन्हा दाखल
विनोद रमेश कुलकर्णी (वय- ३६, रा. जॉयनेस्ट सोसायटी, लोणी काळभोर, ता. हवेली) असे गुन्हा दाखल करण्यात आलेल्या ज्वेलर्सच्या दुकान मालकाचे नाव आहे. याप्रकरणी माळवाडी येथे राहणाऱ्या २० वर्षाच्या तरुणीने हडपसर पोलीस ठाण्यात फिर्य़ाद दिली आहे.
पोलिसांनी दिलेल्या माहितीनुसार, आरोपी विनोद कुलकर्णी याचे हडपसरमध्ये ज्वेलर्सचे दुकान आहे. तरुणी ही दुकानात कामाला आहे. रविवारी दुपारी तीनच्या सुमारास पीडित तरुणी दुकानाच्या पहिल्या मजल्यावर काम करत होती. त्यावेळी दुकानाचे मालक विनोद यांनी तरुणीला बोलावून घेत तिच्या सोबत गैरवर्तन केले.
दरम्यान, सोमवारी सकाळी फिर्यादी या कामावर आल्या असता आरोपीने पुन्हा गैरवर्तन करुन अश्लील हातवारे करुन विनयभंग केल्याचे फिर्यादीत नमूद केले आहे. पुढील तपास महिला पोलीस उपनिरीक्षक गोसावी करत आहेत.
