Pune News : पुणे : महिलेचे नाव आणि फोटो वापरून बनावट इन्स्टाग्राम अकाउंट तयार करून महिलेला फोटो व व्हिडिओ व्हायरल करण्याची धमकी देऊन खंडणी मागितल्याची घटना नुकतीच उघडकीस आली आहे. याप्रकरणी चतु:श्रृंगी पोलीस ठाण्यात अज्ञात व्यक्तीविरोधात फसवणूक व खंडणीचा गुन्हा दाखल करण्यात आला आहे. हि घटना सोमवारी (ता. १७) उघडकीस आली आहे.
गुन्हा दाखल
याबाबत एका ३५ वर्षीय महिलेने चतु:श्रृंगी पोलीस ठाण्यात फिर्य़ाद दिली आहे. त्यानुसार पोलिसांनी बनावट अकाउंट तयार करणाऱ्या अज्ञात व्यक्तीविरोधात गुन्हा दाखल केला आहे.
पोलिसांनी दिलेल्या माहितीनुसार, ३५ वर्षीय महिलेचे इन्स्टाग्रामवर फेक अकाउंट तयार केले. त्यानंतर फिर्यादी यांना त्यांचे फोटो व व्हिडिओ व्हायरल करण्याची धमकी दिली.तसेच त्यांच्याकडे दहा हजार रुपये खंडणी मागितली.
दरम्यान, आपल्या नावाने फेक अकाउंट तयार केल्याचे लक्षात येताच ३५ वर्षीय महिलेने चतु:श्रृंगी पोलीस ठाण्यात धाव घेत अज्ञात व्यक्तीविरोधात तक्रार दिली आहे. पुढील तपास पोलीस निरीक्षक गुन्हे अंकुश चिंतामण करीत आहेत.
