गणेश सुळ
Daund News : केडगाव : खुटबाव-पिंपळगाव रस्त्यालगत खुटबाव गावच्या हद्दीत गुरुवारी (ता. ५) दुपारी एक ते दीडच्या सुमारास भरधाव पीकअप टेम्पोची दुचाकीस समोरासमोर धडक बसल्याने दुचाकीस्वार जागीच ठार झाला. दुपारी एक वाजण्याच्या सुमारास ही दुर्घटना घडली.
यवत पोलीस ठाण्यात फिर्याद दाखल
मनोहर मोतीराम मुरुडकर (वय ४७, रा. खुटबाव, ता. दौंड) असे अपघातात ठार झालेल्या दुचाकीस्वाराचे नाव आहे. ते मूळचे भोखर (ता. चिखली, बुलढाणा) येथील असून, (Daund News) खुटबाव येथे उदरनिर्वाहासाठी शेती कामाला आले होते.
याप्रकरणी मुरूडकर यांचा मुलगा शेखर (गोलू) मुरूडकर यांनी यवत पोलीस ठाण्यात अज्ञात टेम्पोचालकाविरोधात फिर्याद दिली आहे. अपघाताचे सीसीटीव्ही फुटेज पोलिसांच्या हाती लागले असून, (Daund News) अपघातानंतर टेम्पोचालक न थांबता वाहनासह पिंपळगावच्या दिशेने फरार झाला.
दरम्यान, पिकअप गाडीचा नंबर (एमएच १२ यूएम ७४१५) पोलिसांच्या हाती लागला आहे. पुढील तपास पोलीस उपनिरीक्षक भोसले करीत आहेत.
अधिक बातम्या वाचण्यासाठी येथे क्लिक करा :
Daund News : राजेगाव परिसरात तीन विद्युत रोहित्रांमधील तांब्याच्या तारांची चोरी
Daund News : ‘मागेल त्याला विहीर’ योजना दुष्काळग्रस्त भागासाठी ठरतीये नवसंजीवनी
