पुणे : मध्य रेल्वेच्या पुणे विभागाकडून पुणे-लोणावळा दरम्यान अभियांत्रिकी आणि दुरुस्तीच्या तांत्रिक कामांसाठी उद्या ३ फेब्रुवारीला मेगाब्लॉक घेण्यात येणार आहे. यामुळे काही गाड्या रद्द राहणार आहेत. तर काही गाड्या विलंबाने धावणार असल्याची माहिती रेल्वे विभागाने दिली आहे.
पुणे, शिवाजीनगरहून रद्द लोकल गाड्या
- पुण्याहून लोणावळ्यासाठी सकाळी ९.५७ वाजता सुटणारी लोकल रद्द राहील.
- पुण्याहून लोणावळ्यासाठी सकाळी ११.१७ वाजता सुटणारी लोकल रद्द राहील.
- शिवाजीनगरहून लोणावळ्यासाठी दुपारी १२.०५ वाजता सुटणारी लोकल रद्द राहील.
- पुण्याहून लोणावळ्यासाठी दुपारी ३ वाजता सुटणारी लोकल रद्द राहील.
- शिवाजीनगरहून तळेगावसाठी दुपारी ३.४७ वाजता सुटणारी लोकल रद्द राहील.
- पुण्याहून लोणावळ्यासाठी सायंकाळी ४.२५ वाजता सुटणारी लोकल रद्द राहील.
- शिवाजीनगरवरून लोणावळ्यासाठी सायंकाळी ५.२० वाजता सुटणारी लोकल रद्द राहील.
लोणावळा, तळेगावहून रद्द लोकल गाड्या
- लोणावळ्याहून शिवाजीनगरसाठी सकाळी १०.०५ वाजता सुटणारी लोकल रद्द राहील.
- लोणावळ्याहून शिवाजीनगरसाठी सकाळी ११.३० वाजता सुटणारी लोकल रद्द राहील.
- लोणावळ्याहून पुण्यासाठी दुपारी २.५० वाजता सुटणारी लोकल रद्द राहील.
- तळेगावहून पुण्यासाठी सायंकाळी ४.४० वाजता सुटणारी लोकल रद्द राहील.
- लोणावळ्याहून शिवाजीनगरसाठी सायंकाळी ५.३०वाजता सुटणारी लोकल रद्द राहील.
- लोणावळ्याहून शिवाजीनगरसाठी सायंकाळी ६.०८ वाजता सुटणारी लोकल रद्द राहील.
- लोणावळ्याहून पुण्यासाठी सायंकाळी ७ वाजता सुटणारी लोकल रद्द राहील.
उशिराने धावणाऱ्या गाड्या
एमजीआर चेन्नई – लोकमान्य टिळक टर्मिनस मुंबई सुपरफास्ट एक्स्प्रेस साडेतीन तास विलंबाने धावेल. हा मेगा ब्लॉक पायाभूत सुविधांच्या देखभालीसाठी आणि सुरक्षिततेसाठी आवश्यक आहे. या पायाभूत सुविधांच्या ब्लॉकमुळे होणाऱ्या गैरसोयीबद्दल सहकार्य करावे, असे आवाहन रेल्वे प्रशासनाने केले आहे.
