मुंबई : मुंबईतून एक धक्कादायक घटना समोर येत आहे. पतंगाच्या मांज्याने एका तरुण पोलीस हवालदाराचा गळा चिरल्याची घटना घडली आहे. या घटनेत पोलीस हवालदाराचा दुदैर्वी मृत्यू झाला आहे. समीर सुरेश जाधव असं या हवालदाराचं नाव आहे. जाधव हे रविवारी दुपारच्या सुमारास पश्चिम द्रुतगती महामार्गावरील वाकोला पुलावर असताना ही घटना घडल्याची माहिती पोलिसांनी दिली. या घटनेने पोलीस दलात आणिपरिसरात हळहळ व्यक्त केली जात आहे.
जाधव हे गोरेगाव येथील दिंडोशी पोलीस ठाण्यात कार्यरत आहेत. ते त्यांच्या मोटारसायकलवरून वरळी येथील त्यांच्या घरी जात असताना, पतंगाच्या मांज्याने त्यांचा गळा चिरला गेला. गळा चिरल्यानंतर जाधव यांना जवळच्या रुग्णालयात उपचारासाठी दाखल करण्यात आलं. मात्र, डॉक्टरांनी त्यांना मृत घोषित केले. खेरवाडी पोलीस अधिकारी अधिक तपास करण्यासाठी घटनास्थळी दाखल झाले.
Mumbai, Maharashtra | Police constable Sameer Suresh Jadhav who was going home after duty, on his bike, died after his throat got slit by a kite string. Kherwadi Police registered the case and started further investigation: Mumbai Police pic.twitter.com/dijic9Mvuc
— ANI (@ANI) December 24, 2023
