Pune News : पुणे : पुणे शहर आणि परिसरात गुन्हेगारी प्रवृत्ती वाढीस लागली आहे. सातारा रस्त्यावर नुकतीच तरुणावर तीक्ष्ण शस्त्राने वार केल्याची धक्कादायक घटना घडली आहे. या प्रकरणी फरार झालेल्या सराइत गुन्हेगारासह साथीदाराला सहकारनगर पोलिसांनी अटक केली आहे.
सहकारनगर पोलिसांची कामगिरी
याबाबत मिळालेल्या माहितीनुसार, सलमान उर्फ सल्या हमीद शेख (वय २४, चैत्रबन वसाहत, अप्पर इंदिरानगर, बिबवेवाडी) वैभव उर्फ बबलू कोठारी (रा. अप्पर इंदिरानगर) अशी अटक करण्यात आलेल्या आरोपींची नावे आहेत.
पुणे-सातारा रस्त्यावर बालाजीनगर परिसरातील पेट्रोल पंपाजवळ पूर्ववैमनस्यातून ही घटना घडली. आरोपी शेख, त्याचे साथीदार कोठारी, सनी जाधव यांनी एका तरुणावर तीक्ष्ण शस्त्राने वार करून, पेट्रोल पंप परिसरात दहशत माजवली. या गुन्ह्याचा तपास पोलीस करत होते. (Pune News) दरम्यान, अप्पर इंदिरानगर परिसरातील बिरामणे टोळीतील शेख आणि साथीदारांनी तरुणावर हल्ला केल्याची माहिती पोलीस नाईक अमोल पवार आणि निलेश शिवतारे यांना मिळाली. सापळा लावून शेखला पोलिसांनी ताब्यात घेतले. आरोपी शेख याच्याविरुद्ध भारती विद्यापीठ, सहकारनगर पोलीस ठाण्यात खुनाचा प्रयत्न, मारामारी, शस्त्र बाळगणे असे गंभीर स्वरुपाचे सात गुन्हे दाखल आहेत.
अरण्येश्वर मंदिराजवळ शेखचा साथीदार कोठारी थांबल्याची माहिती पोलीस कर्मचारी सुशांत फरांदे यांना मिळाली. या प्रकरणी कोठारी याला पोलिसांनी ताब्यात घेतले. (Pune News) वरिष्ठ पोलीस निरीक्षक सुरेंद्र माळाळे, गुन्हे शाखेचे निरीक्षक संदीप देशमाने यांच्या मार्गदर्शनाखाली ही कारवाई करण्यात आली.
अधिक बातम्या वाचण्यासाठी येथे क्लिक करा :
Pune News : अभिमानास्पद! पुण्यातील दोन मुलांच्या आईने वर्ल्ड चॅम्पियनशिपमध्ये जिंकली ४ सुवर्णपदके
