पैठण: पैठणमध्ये एक दुःखद घटना उघडकीस आली आहे, जिथे लिव्ह-इन रिलेशनशिपमध्ये राहणाऱ्या एका जोडप्याचे मृतदेह आढळले. पोलिसांना मृतांची ओळख पटवली असून नवनाथ जगधने (३०) आणि शितल दोडवे-उघाडे (२८) अशी त्यांची नावे आहेत. नवनाथ हा सहा वर्षांच्या मुलाच्या हत्येप्रकरणी जन्मठेपेची शिक्षा भोगत असलेला एक दोषी होता. तो एका महिन्याच्या पॅरोलवर बाहेर आला होता. दरम्यान, 28 मार्च रोजी त्याला तुरुंगात परतायचे होते. परंतु नवनाथ आणि त्याच्या प्रेयसीने विषारी औषध पिऊन आत्महत्या केल्याचे उघडकीस आले आहे. पैठण येथील कातपूर येथे नवनाथ शामराव जगधने आणि शितल दोडवे-उघडे हे दोघे पाच वर्षांपासून लिव्ह इन रिलेशनशिपमध्ये राहत होते.
पोलिसांच्या म्हणण्यानुसार, शनिवारी रात्री या जोडप्याने विष प्राशन केले. सोमवारी गावाच्या बाहेरील मक्याच्या शेतात त्यांचे मृतदेह आढळले. पोलिस मृत्यूच्या परिस्थितीचा तपास करत आहेत. “आम्ही या प्रकरणाची चौकशी करत आहोत आणि जोडप्याच्या कुटुंबातील सदस्यांचे आणि मित्रांचे जबाब घेणार आहोत,” असे एका पोलिस अधिकाऱ्याने सांगितले. या घटनेमुळे जोडप्याच्या कुटुंबातील सदस्यांना धक्का बसला आहे. दरम्यान, मृत्यूमागील नेमके कारण अद्याप स्पष्ट झालेले नाही.
समोर आलेल्या माहितीनुसार, शितलचे लग्न दुसरीकडे बळजबरीने करण्यात आले होते. तिचे प्रेम कातपूर येथील नवनाथ बरोबर होते, अशी माहिती प्राथमिक तपासात समोर आली आहे. नवनाथ शितलला भेटण्यासाठी तिच्या सासरी गेला असताना तिच्याच 6 वर्षीय मुलाचा खून नवनाथ याने केला होता. याप्रकरणी नवनाथ शिक्षा भोगत होता. तर शितलला निर्देश मुक्त करण्यात आले होते.
