जळगाव : जळगाव जिल्ह्यातून एक मोठी बातमी समोर येत आहे. जळगावच्या मुक्ताईनगरचे आमदार चंद्रकांत पाटील यांच्या गाडीचा अपघात झाल्याची माहिती समोर आली आहे. या अपघातात चंद्रकांत पाटील आणि दोन पोलीस कर्मचारी हे किरकोळ जखमी झाल्याची प्राथमिक माहिती समोर आहे. अपघातानंतर पाटील यांच्यासह दोन पोलीस कर्मचाऱ्यांना तातडीने जवळील खासगी रुग्णालयात दाखल करण्यात आलं असून त्यांच्यावर उपचार सूरू आहेत.
याबाबत मिळालेल्या माहितीनुसार, आमदार चंद्रकांत पाटील यांच्याच ताफ्यातील पोलीस गाडी ही त्यांच्या गाडीला धडकल्याने हा अपघात झाला आहे. मुक्ताईनगर तालुक्यामध्ये फिरत असताना आमदार चंद्रकांत पाटील यांच्या गाडीला अपघात झाला. या अपघातात पोलिसांच्या गाडीचं बोनेटचं मोठं नुकसान झालं आहे. मात्र, सुदैवाने या अपघातात कोणतीही जीवितहानी झालेली नाही. संबंधित घटनेची दखल तातडीने प्रशासन आणि पोलिसांकडून घेण्यात आली. चंद्रकांत पाटील हे अपघातातून सुखरुप बचावले आहेत.
