पुणे : भारताने आशिया कपची शानदार सुरुवात केली आहे. पाकिस्तानविरोधातील विजयानंतर आज भारताची हाँगकाँग विरोधात लढत होणार आहे. भारत संघ हाँगकाँग संघाच्या तुलनेत सरस असून आजच्या सामन्यात भारताचा विजय निश्चित आहे, असे म्हटले जात आहे. मात्र क्रिकेटमध्ये काहीही होऊ शकतं. याच कारणामुळे भारत आपली विजयी वाटचाल कायम राखणार का? हे पाहणे उत्सुकतेचे ठरणार आहे.
पाकिस्तानला हरवल्यामुळे भारताचा आत्मविश्वास कमालीचा उंचावला आहे. हाँगकाँग सारख्या तुलनेने दुबळ्या प्रतिस्पर्धी संघाविरुद्ध खेळताना टीम इंडिया फलंदाजीच्या क्रमवारीत बदल करु शकते. केएल राहुल सारख्या फलंदाजाला फॉर्म मध्ये परतण्याची चांगली संधी आहे. रोहित शर्माच्या टीमसाठी हाँगकाँग विरुद्धचा सामना नेट प्रॅक्टिस पेक्षा जास्त काही नसेल. हाँगकाँगच्या संघात भारतीय आणि पाकिस्तान वंशाचे खेळाडू आहेत. या सामन्यात विजय मिळवल्यास भारताला सुपर ४ मध्ये प्रवेश मिळू शकतो.
दरम्यान, पाकिस्तानविरोधातील सामन्यात शून्यावर बाद झालेल्या केएल राहुलला वगळून ऋषभ पंतला संधी दिली जाते का हे पाहावे लागेल. तसेच भारताकडे दीपक हुडा हादेखील धडाकेबाज फलंदाज आहे. त्यामुळे आजच्या सामन्यात त्यालादेखील संधी दिली जाऊ शकते, असा अंदाज लावला जात आहे. मागील सामन्यात फिरकीपटू युझवेंद्र चहल खास कामगिरी करू शकला नाही. त्यामुळे त्याच्या जागेवर आर. आश्विन या अष्टपैलुला रोहित संधी देऊ शकतो.
भारतीय संघाचे संभाव्य प्लेइंग ११ :
रोहित शर्मा (कर्णधार), केएल राहुल, विराट कोहली, ऋषभ पंत (विकेटकीपर), दीपक हुडा, हार्दिक पंड्या, दिनेश कार्तिक, आर अश्विन, आवेश खान, रवी बिश्नोई, अर्शदीप सिंग.
हाँगकाँग संघाचे संभाव्य प्लेइंग ११ :
निजाकत खान (कर्णधार), बाबर हयात, यास्मिन मोर्तझा, किनचित शाह, स्कॉट मॅकेनी (यष्टीरक्षक), हारून अर्शद, एजाज खान, झिशान अली, एहसान खान, आयुष शुक्ला, मोहम्मद गझनफर
सामन्याची वेळ :
सायं. ७.३० वा. स्टार स्पोर्ट्स १, १ हिंदी तसेच disney plus hotstar वरदेखील हा सामना पाहता येईल.
