पुणे : सध्या देशात गणेशोत्सवाची धूम आहे. दिग्गज नेते, खेळाडू तसेच सेलिब्रिटींच्या घरात गणेशाचे आगमन झाले आहेत. असे असताना ऑस्ट्रेलियाचा स्टार फलंदाज डेव्हिड वॉर्नरनेही थेट ऑस्ट्रेलियातून भारतीयांना गणेत्सवाच्या शुभेच्छा दिल्या आहेत. त्याने स्वत:चा गणपती बाप्पासोबतचा खास फोटो ट्वीट केलाय. या फोटोची तसेच वॉर्नरने दिलेल्या या शुभेच्छांची सगळीकडे चर्चा होत आहे.
गणेश चतुर्थीनिमित्त ऑस्ट्रेलियन क्रिकेटपटू डेव्हिड वॉर्नर याने सर्व भारतीयांना शुभेच्छा दिल्या आहेत. शुभेच्छा देताना तो बाप्पासमोर नतमस्तक झाला आहे. बाप्पाला होत जोडतानाचा फोटो त्याने शोशल मीडियावर शेअर केला आहे. तसेच “भारतातील माझ्या सर्व मित्रांना गणेश चतुर्थीच्या खूप खूप शुभेच्छा. तुमचे आयुष्य आनंदमय होवे,” अशा सदिच्छादेखील त्याने दिल्या आहेत. त्याच्या या खास शुभेच्छा भारतीयांना चांगल्याच आवडल्या आसून भारतीय क्रिकेटप्रेमी त्याच्या या पोस्टवर कमेंट्स करत आहेत.
ऑस्ट्रेलिया क्रिकेट संघाचा सलामीवीर डेव्हिड वॉर्नरचे भारतीय प्रेम कुणापासून लपलेले नाही. यावेळी भारतात गणेश चतुर्थी साजरी केली जाते आणि या निमित्त गणपती बाप्पाच्या भक्तीत तल्लीन दिसला. त्याने बाप्पासोबतचा स्वतःचा एक खास फोटो शेअर करत चाहत्यांना चतुर्थीच्या शुभेच्छा दिल्या आहेत. डेव्हिड वॉर्नरची भारतात चांगली फॅन फॉलोइंग आहे. अशा परिस्थितीत क्रिकेट कारकिर्दीत व्यस्त असतानाही गणेश चतुर्थीच्या आगमनानिमित्त त्यांनी खास पोस्ट करून करोडो भारतीय चाहत्यांची मने जिंकली आहेत.
दरम्यान, डेव्हिड वॉर्नरचे भारतात लाखोंनी चाहते आहेत. दक्षिणात्य अभिनेता अल्लू अर्जूने साकारलेले पुष्पा चित्रपटातील पुष्पराज हे पात्र वॉर्नरला खूप आवडते. तो अनेक सामन्यांमध्ये पुष्पा चित्रपटातील ‘झुकेना नही’ हा डायलॉग म्हणताना दिसलेला आहे. तसेच पुष्पाची अॅक्शनदेखील त्याने अनेकवेळा केलेली आहे. याच कारणामुळे भारतात त्याचे खास चाहेत असून त्याला क्रिकेटमधील पुष्पा म्हटले जाते. आयपीएल २०२२ चा हंगाम तो दिल्ली कॅपिटल्स संघाकडून खेळला होता. या हंगामात त्याने संघाला अनेकवेळा एकहाती विजय मिळवून दिला होता.
