पुणे : एका तरुणाने स्वतःच्या आईच्याच दोन मैत्रिणींच्या मोबाईलवर पॉर्न फोटो आणि व्हिडिओ पाठवून त्यांचा विनयभंग केला. याप्रकरणी वारजे पोलिसांनी या तरुणाविरोधात गुन्हा दाखल केला आहे. हा प्रकार २५ नोव्हेंबरपासून ८ डिसेंबर दरम्यान मोबाईल द्वारे घडला.
आकाश सुनील शहाणे (रा.पाचारणे वाडा,कसबा पेठ) असे गुन्हा दाखल झालेल्या तरुणाचे नाव आहे. याप्रकरणी ४० वर्षीय महिलेने फिर्याद दिली आहे. ही महिला कर्वेनगर परिसरात राहते. आरोपीची आई आणि फिर्यादी महिला या मैत्रिणी आहेत. आकाशने त्याच्या मोबाईलवरून या महिलेच्या मोबाईलवर स्त्री-पुरुषांचे नग्न अवस्थेतील फोटो आणि पॉर्न व्हिडिओ असलेले मेसेज पाठवले. तसेच त्यांना मोबाईलवर शिवीगाळ केली.
यासोबतच आकाशने त्यांच्या आणखी एका मैत्रिणीला देखील अशाच पद्धतीने अशी मेसेज पाठवले. त्यांना वारंवार फोन करून त्रास देत त्यांचा विनयभंग केला, असे फिर्यादीमध्ये नमूद करण्यात आले आहे.
