बापू मुळीक
सासवड: पुरंदर तालुक्यातील 93 ग्रामपंचायतीच्या सरपंच पदासाठी आरक्षण सोडत पुरंदरचे तहसीलदार विक्रम राजपूत यांनी जाहीर केली. 93 पैकी 48 जागा या महिलांसाठी राखीव ठेवण्यात आल्या आहेत. त्यामुळे 48 ग्रामपंचायतीचा कारभार आता महिला पाहणार आहेत.
मात्र शासनाच्या बदलत्या निर्णयानुसार सध्यातरी सरपंच पद हे जनतेतून निवड करण्यात येत आहे. अशी माहिती पुरंदर तालुका दंडाधिकारी तथा तहसीलदार विक्रम राजपूत व निवासी नायब तहसीलदार संदीप पाटील व महसूल विभागाच्या तहसीलदार सोनाली वाघ यांनी दिली.
पुरंदर तालुक्यात 93 ग्रामपंचायती पैकी सरपंच पदाची आरक्षण सोडत आज आचार्य अत्रे या कार्यालयातील सभागृहामध्ये करण्यात आली. यामध्ये अनुसूचित जाती- 3, अनुसूचित जाती महिला -4, अनुसूचित जमाती महिला- 2, अनुसूचित जमाती-1 नागरिकांचा मागास प्रवर्ग महिला-13, नागरिकांचा मागास प्रवर्ग- 12, सर्वसाधारण महिला- 29, सर्वसाधारण- 29.
यामध्ये अनुसूचित जाती: मावडी सुपे, वनपुरी, कुंभारवळण.
अनुसूचित जाती महिला: कोळविहीरे, हरगुडे, तोंडल, नाझरे सुपे.
अनुसूचित जमाती महिला: चिवहेवाडी, घेरा पुरंदर.
अनुसूचित जमाती: काळदरी.
नागरिकांचा मागास प्रवर्ग महिला: बेलसर, खळद, साकुर्डे,वाल्हे, सोनोरी, वागदरवाडी, भिवरी, खेंगरेवाडी, रिसे, भोसलेवाडी, वाघापूर, गुरोली, भिवडी.
नागरिकांचा मागास प्रवर्ग: जेऊर, राख, पिंपळे ,पोंढे, शिवरी, कोथळे, खानवडी, पारगाव, हिवरे, मांढर, थापेवारवडी, वीर, पांगारे.
सर्व साधारण महिला: पांगारे, नावळी, धनकवडी, दवणेवाडी, देवडी, निरा, सटलवाडी, पिसर्वे, पिंगोरी, झेंडेवाडी, तक्रारवाडी, वाळूंज, हरणी, चांबळी, लपतळवाडी, राजेवाडी, नायगाव, धालेवाडी, दिवे, पिंपरी, बोराळवाडी, सुकलवाडी, बोपगाव, पांडेश्वर, पिंपरे खुर्द, माहूर, पूर पोखर, कोडीत खुर्द, जवळा र्जुन.
सर्व साधारण: नवलेवाडी, बहिरवाडी, उदाचीवाडी ,आंबळे, नाझरे कप, मांडकी, निळूज, कर्नलवाडी, आडाची वाडी, कोडीत बुद्रुक, सुपे खुर्द, टेकवडी, पिसुर्डी, मावडी कप, गुळूंचे, एखतपुर-मुंजवडी, राजुरी, माळशिरस, रानमळा, आस्करवाडी, सोमरडी, परिंचे, सिंगापूर ,दौंडज, गराडे, पानवडी, पिसे, केतकावळे, आंबोडी
दरम्यान, आगामी ग्रामपंचायतच्या पंचवार्षिक निवडणुकीत सरपंच पद हे जनतेतून निवड करण्यात येणार आहे. शासनाने यामध्ये काही निर्णय बदलला तर मात्र; पूर्वीसारखी सरपंच निवड ही होऊ शकते. मात्र सरपंच पदासाठी इच्छुक असलेल्या गाव कारभाऱ्यांना चांगलीच कसरत करावी लागणार आहे.
