Pune News : हडपसर : हुंडा देण्यास व घेण्यास कायद्याने बंदी असतानाही हुंड्यासाठी पत्नीला शारीरिक व मानसिक त्रास देत आत्महत्येस प्रवृत्त केल्याप्रकरणी नराधम पतीला अटक करण्यात आली आहे. हा प्रकार २७ मे २०२२ ते २५ ऑक्टोबर २०२३ दरम्यान हडपसर येथील गंगानगर परिसरात घडला.
हडपसरमधील प्रकार
अधिक माहितीनुसार, सुहास हिंगणे असे अटक केलेल्या आरोपी पतीचे नाव आहे. तर सासु शारदा हिंगणे, सासरे रोहिदास हिंगणे, नणंद अनुराधा जाधव, अमोल जाधव यांच्यावर गुन्हा दाखल करण्यात आला आहे. (Pune News) याबाबत पोपट देविदास खंदारे (वय ४७, रा. आष्टा, ता. आष्टा, जि. बीड) यांनी हडपसर पोलीस ठाण्यात फिर्याद दिली आहे.
पोलिसांनी दिलेल्या माहितीनुसार, अटक आरोपी पती सुहास हिंगणे व फिर्यादी यांची मुलगी कोमल यांचा विवाह मे २०२२ मध्ये झाला आहे. (Pune News) लग्नानंतर आरोपी कोमल हिला घरगुती कारणावरुन शारीरिक व मानसिक त्रास देत होते. तसेच हुंड्याची मांगणी करुन तिला शिवीगाळ करून मारहाण करत होते.
आरोपीच्या सततच्या त्रासाला कंटाळून कोमल सहास हिंगणे (वय २२) हिने २५ ऑक्टोबर रोजी राहत्या घरी आत्महत्या केली. आत्महत्येस प्रवृत्त केल्याप्रकरणी आरोपी पतीला अटक करण्यात आली आहे. (Pune News) पुढील तपास महिला पोलीस उपनिरीक्षक खळदे करीत आहेत.
अधिक बातम्या वाचण्यासाठी येथे क्लिक करा :
Pune News : खडकी येथे नदीपात्रात तरुणाची झाडाला गळफास घेऊन आत्महत्या
Pune News : ललित पाटीलच्या जीवाला धोका, कधीही एन्काऊंटर होऊ शकतो? शिवसेना नेत्याच्या विधानाने खळबळ
