Pune News : पुणे : खडकी येथील होळकर पूल परिसरात नदीपात्रात एका तरुणाने झाडाला गळफास घेऊन आत्महत्या केल्याची घटना उघडकीस आली आहे. आत्महत्येमागचे नेमके कारण अद्याप समजू शकले नाही. अमोल रमेश मंगळवेढेकर (वय ३५, रा. वडारवाडी, शिवाजीनगर) असे आत्महत्या केलेल्या तरुणाचे नाव आहे.
विश्रांतवाडी पोलीस ठाण्यात अकस्मात मृत्यूची नोंद
खडकीतील होळकर पूल परिसरात नदीपात्रात उद्यान आहे. याच उद्यानातील एका झाडाला गळफास घेऊन तरुणाने आत्महत्या केली. (Pune News) पहाटे नेहमीप्रमाणे उद्यानात फिरायला आलेल्या नागरिकांनी हा प्रकार पाहिला. त्यांनी याबाबतची माहिती विश्रांतवाडी पोलिसांना दिली.
पोलिसांनी घटनास्थळी भेट दिली. त्याच्याकडे असलेल्या कागदपत्रांवरुन पोलिसांनी ओळख पटवली. अमोल याच्या आत्महत्येमागचे निश्चित कारण समजू शकले नाही. (Pune News) त्याचा कोणाशी वाद झाला का? या दृष्टीने पोलिसांकडून तपास करण्यात येत आहे.
याप्रकरणी विश्रांतवाडी पोलीस ठाण्यात अकस्मात मृत्यूची नोंद करण्यात आली आहे.
अधिक बातम्या वाचण्यासाठी येथे क्लिक करा :
Pune News : ललित पाटीलच्या जीवाला धोका, कधीही एन्काऊंटर होऊ शकतो? शिवसेना नेत्याच्या विधानाने खळबळ
Pune News : ललित पाटीलच्या आजारावर डॉक्टरनी नाही, तर चक्क ससूनच्या डीननेच केले उपचार…
