Pune News : पुणे : देशात काही महिन्यांत लोकसभा निवडणूका येऊ घातल्या आहेत. त्यातच पंतप्रधान नरेंद्र मोदी हे पुण्यातून लोकसभा निवडणूक लढवणार असल्याच्या चर्चा सुरु झाल्या होत्या. चर्चा सुरु झाल्यानंतर पुणे भाजपने देखील कंबर कसली आहे. ही चर्चा थांबत नाही तोपर्यंत काँग्रेस पक्षाच्या नेत्या प्रियांका गांधी या देखील पुण्यामधून निवडणुक लढविणार असल्याची जोरदार चर्चा सुरु झाली आहे. या पार्श्वभूमीवर प्रियांका गांधी आज पुणे दौऱ्यावर आल्यामुळे या चर्चेने पुन्हा एकदा जोर धरला आहे.
प्रियांका गांधी पुण्यामधून निवडणूक लढविणार?
दरम्यान, प्रियांका गांधी पुणे दौऱ्यावर आलेल्या असल्या तरी, पुण्यातील त्यांच्या कार्यक्रमाबाबत पक्षपातळीवर कमालीची गुप्तता पाळण्यात आली आहे.(Pune News) प्रियांका यांचे पुणे विमानतळावर आगमन झाल्यानंतर त्च्यसाठी व्हीआयपी गाड्यांचा ताफा होता. मात्र, गुप्तता राखण्याच्या हेतूने त्यांनी वॅग्नोर या चारचाकी वाहनातून जाणे पसंत केले.
कोरेगाव पार्क येथे एका खासगी कार्यक्रमाच्या निमित्ताने प्रियांका गांधी पुणे दौऱ्यावर आल्या आहेत. (Pune News) या कार्यक्रमाबाबत अधिक माहिती अद्याप समजू शकलेली नाही.
अधिक बातम्या वाचण्यासाठी येथे क्लिक करा :
Pune News : पत्नी सुंदर दिसत नाही म्हणून छळ; कौटुंबिक न्यायालयाचा पतीला दणका
