Pune News : पुणे : सनदी लेखापाल अभ्यासक्रमाच्या विद्यार्थ्यांना मार्गदर्शन करण्यासाठी कोलकात्याहून पुण्यात आलेल्या एका प्राध्यापकाचा तारांकित हॉटेलमधील जलतरण तलावात बुडून मृत्यू झाल्याची दूर्दैवी घटना नुकतीच घडली. हॉटेल व्यवस्थापन, तसेच जीवरक्षकांच्या निष्काळजीपणामुळे ही दुर्घटना घडली. या प्रकरणी शिवाजीनगर पोलिसांनी जलतरण तलावातील जीवरक्षक तसेच तारांकित हॉटेलच्या व्यवस्थापनाविरुद्ध गुन्हा दाखल केला आहे.
जीवरक्षक आणि हॉटेल व्यवस्थापनाविरुद्ध गुन्हा दाखल
अधिक माहितीनुसार, मोहित प्रमोद आगरवाल (वय ३५, रा. बी. के. पॉल ॲव्हेन्यू, कोलकाता, पश्चिम बंगाल) असे मृत्युमुखी पडलेल्या प्राध्यापकाचे नाव आहे. (Pune News) याबाबत अमर संतोष मनका (वय ३४, खराडी, नगर रस्ता) यांनी शिवाजीनगर पोलीस ठाण्यात फिर्याद दिल्यानुसार गणेशखिंड रस्त्यावरील प्राईड हॉटेलचे व्यवस्थापन, जलतरण तलावातील जीवरक्षकाविरुद्ध गुन्हा दाखल करण्यात आला आहे.
पोलिसांनी दिलेल्या माहितीनुसार, सनदी लेखापाल अभ्यासक्रमाच्या विद्यार्थ्यांना मार्गदर्शन करण्यासाठी मोहित आगरवाल हे कोलकात्याहून पुण्यात आले होते. एका संस्थेत त्यांचे मार्गदर्शनपर व्याख्यान आयोजित करण्यात आले होते. दरम्यान, त्यांनी गणेशखिंड रस्त्यावरील प्राईड हॉटेलमध्ये मुक्काम केला होता. (Pune News) जलतरण तलावात पोहण्यासाठी ते पाण्यात उतरले, त्यावेळी पाण्यात बुडून त्यांचा मृत्यू झाला.
दरम्यान, ही दुर्घटना घडली तेव्हा जलतरण तलाव परिसरात जीवरक्षक उपस्थित नव्हते. हॉटेल व्यवस्थापन, तसेच जीवरक्षकांच्या निष्काळजीपणामुळे दुर्घटना घडली. (Pune News) त्यामुळे जीवरक्षक तसेच तारांकित हॉटेलच्या व्यवस्थापनाविरुद्ध गुन्हा दाखल करण्यात आला आहे.
अधिक बातम्या वाचण्यासाठी येथे क्लिक करा :
Pune News : जागतिक टपाल दिनी पोष्ट कर्मचाऱ्यांचा हृद्य सत्कार
