उरुळी कांचन, (पुणे) : येथील चारुशीला सुनील कांचन यांची हवेली तालुका राष्ट्रवादी कॉंग्रेस पक्षाच्या (अजित पवार गट) महिला तालुकाध्यक्षपदी व राष्ट्रवादी युवती कॉंग्रेसच्या तालुकाध्यक्षपदी उत्कर्षा नितीन गोते यांची निवड करण्यात आली आहे.
राष्ट्रवादी कॉंग्रेस पक्षाचे पुणे जिल्हाध्यक्ष प्रदीप गारटकर, महिला जिल्हाध्यक्षा मोनिका हरगुडे व राष्ट्रवादी युवती कॉंग्रेसच्या जिल्हाध्यक्षा पूजा संभाजीराव बुट्टे- पाटील यांच्या हस्ते कांचन व गोते यांना निवडीचे पत्र देण्यात आले आहे. पुण्यात नवनिर्वाचित पदाधिकारी सत्कार सोहळा व हवेली तालुका कार्यकारणीची निवड करण्यात आली. यावेळी हे पत्र देण्यात आले आहे.
यावेळी शिरूरचे तालुकाध्यक्ष रवी काळे, हवेली तालुकाध्यक्ष दिलीप वाल्हेकर, जिल्हा नियोजन समितीचे माजी सदस्य संतोष कांचन, माजी उपसरपंच सुनील कांचन, गुलाब चौधरी, सामाजिक कार्यकर्ते अक्षय (बंटी) कांचन, आदेश कांचन, आदी मान्यवर उपस्थित होते.
दरम्यान, निवडीनंतर चारुशीला कांचन व उत्कर्षा गोते म्हणाल्या कि, अजित पवार व रुपाली चाकणकर यांचे विचार घरोघरी पोहोचविणार तसेच हवेली तालुक्यामध्ये पक्षामध्ये नवचैतन्य निर्माण करण्यासाठी प्रयत्न करणार आहे. सर्वसामान्यासाठी न्याय देण्यासाठी सर्वांना सोबत घेऊन काम करणार आहे.”
