दौंड : राज्यात विधानसभा निवडणुकीची रणधुमाळी सुरू झाल्यापासून संपूर्ण राज्यात शरद पवार यांच्या राष्ट्रवादी काँगेस पक्षात प्रवेश करण्याकडे अनेकांचा कल आहे. परंतु दौंड तालुक्यातील चित्र मात्र वेगळे असून राष्ट्रवादी काँग्रेस पक्षातील अनेक कार्यकर्ते हे आमदार राहुल कुल यांच्या नेतृत्वाखाली भाजपात प्रवेश करत आहे.
यामध्ये पिंपळगाव (दौंड) येथील दौंड तालुका खरेदी विक्री संघाचे माजी चेअरमन नारायण आप्पा जगताप (रा.पिंपळगाव) जनता विकास सेवा सोसायटीचे चेअरमन संतोष विश्वासे, पिंपळगाव विकास सेवा सोसायटीचे माजी चेअरमन राजेंद्र शितोळे, ग्रामपंचायत सदस्य बबनराव गाडेकर, पिंपळगाव विकास सेवा सोसायटीचे माजी चेअरमन भुजंगराव दोरगे, सिद्धेश्वर सहकारी पाणी पुरवठा संस्थेचे माजी चेअरमन हनुमंत शिंदे, राजेश थोरात, शालेय व्यवस्थापन समितीचे अध्यक्ष भाऊसाहेब जगताप, नवनाथ नातू, बाळासाहेब थोरात यांच्यासह १५० हून अधिक कार्यकर्त्यांनी आमदार राहूल कुल यांच्या उपस्थितीत भारतीय जनता पक्षात प्रवेश केला आहे.
यावेळी पिंपळगाव येथील सर्व नव्या, जुन्या कार्यकर्त्यांनी एकत्र येत एकत्र काम करण्याचा निर्धार केला. त्यांच्या या निर्धाराबद्दल आ.राहूल कुल यांनी सर्वांचे अभिनंदन केले. यावेळी पंचायत समितीच्या माजी सभापती उषाताई चव्हाण, दौंड भाजपा मा. तालुकाध्यक्ष माऊली ताकवणे, भीमा पाटस चे संचालक चंद्रकांत नातू, संजय इनामके यांच्यासह अनेक कार्यकर्ते मोठ्या संख्येने उपस्थित होते.
आगामी विधानसभा निवडणुकीच्या पार्श्वभूमीवर भाजपासोबत अनेक लोक जोडले जात आहेत. लोकांची साथ विकासाला असून त्यांचा हा विश्वास काम करण्यासाठी आणखी बळ देईल.
आमदार राहुल कुल
