Pimpari News पिंपरी, (पुणे) : पार्किंगमध्ये उभ्या असलेल्या तीन फोर व्हिलरच्या काचा फोडून चोरट्यांनी गाड्यातील रोख रक्कम व लॅपटॉप चोरून नेल्याची घटना घडली आहे. शनिवारी (ता. ०१) रात्री साडे आठ ते पावणे नऊ या १५ मिनीटांच्या कालावधीत तळेगाव-चाकण रोडवरील एमआरएफ शोरूम जवळ घडली आहे.(Pimpari News)
याप्रकरणी एका महिलेने तळेगाव पोलिस ठाण्यात फिर्याद दिली असून अज्ञात चोरट्यांच्या विरोधात गुन्हा दाखल करण्यात आला आहे.
याप्रकरणी एका महिलेने तळेगाव पोलिस ठाण्यात फिर्याद दिली
पोलिसांनी दिलेल्या माहितीनुसार, फिर्यादी यांची क्रेटा गाडीची काच फोडून रोख १२ हजार, दुसरी क्रेडा गाडीमधून १० हजार रुपये तर आणखी एका गाडीतून २० हजार रुपयांचा लॅपटॉप व कागदपत्रे एसा एकूण ४२ हजार रुपयांचा ऐवज चोरून नेला आहे. अवघ्या १५ मिनीटांमध्ये गाड्यांच्या काचा फोडून रक्कम चोरीला गेली आहे. तळेगाव पोलिस तपास करीत आहेत.(Pimpari News)
दरम्यान आणखी एका घटनेत पिंपळे सौदागर येथे चोरट्यांनी एका किराणा दुकानाचे शटर उचकटून दुकानातून तब्ब्ल दीड लाख रुपयांचा मुद्देमाल चोरून नेला आहे. हा प्रकार रविवारी (ता. ०२) पहाटे साडे तीन ते चार या अर्धा तासाच्या कालावधीत घडला.(Pimpari News)
अचलरामजी गोमारामजी चौधरी (वय ४२, रा. पिंपळे सौदागर) यांनी सांगवी पोलिस ठाण्यात फिर्याद दिली आहे. त्यानुसार अज्ञाता विरोधात गुन्हा दाखल करण्यात आला आहे.(Pimpari News)
पोलिसांनी दिलेल्या माहितीनुसार, फिर्यादी यांचे पिंपळे सौदागर येथे न्यु बालाजी ट्रेडर्स नावाचे किराणा दुकान आहे. या दुकानाचे चोरट्यांनी शटर उचकटून दुकानाच्या गल्ल्यातील रोख १ लाख ५३ हजार व कामगाराचा दोन हजाराचा मोबाईल असा एकूण १ लाख ५५ हजार रुपयांचा ऐवज चोरून नेला. सांगवी पोलिस तपास करीत आहेत.(Pimpari News)
