Daund Crime: दौंड, ता. 11 : “तुझा नवरा पैसे देत नाही, तर तूच माझ्यासोबत चल” असा दम देत महिलेच्या उजव्या हाताला पिरगळून एकाने विनयभंग केल्याची धक्कादायक घटना घडली आहे. मंगळवारी (ता. 10) रात्री अकरा वाजण्याच्या सुमारास आबेडकर चौक येथील आदर्श मिटाई दुकानासमोरील रस्त्यावर ही घटना घडली आहे. Pune Crime
हेही वाचा- कर्करोगाशी लढा हरला; वरिष्ठ पोलीस निरीक्षक संदीप भोसले यांचे निधन
मयुर उर्फ आरडीएक्स महादेव घोणे (रा. कुंभार गल्ली, दौड ता. दौंड) असे गुन्हा दाखल करण्यात आलेल्या आरोपीचे नाव आहे. याप्रकरणी एका महिलेने दौंड पोलीस ठाण्यात फिर्याद दिली आहे.
पोलिसांनी दिलेल्या माहितीनुसार, दौंड परिसरातील आंबेडकर चौक येथील आदर्श मिठाई दुकनासमोरील रस्त्यावर फिर्यादी व त्यांचे पती शतपावली करीत होते. यावेळी मयुर उर्फ आरडीएक्स घोणे जवळ येवून फिर्यादी यांच्या पतीला लॉटरी विकत असलेबाबत हप्ता मागून शिवीगाळ दमदाटी करू लागला.
तसेच यावेळी फिर्यादी यांना ऊसाने उजव्या हातावर मारून घाण शिव्या देवून तुझा नवरा हाप्ता देत नाही तर तुच चल माझे सोबत असे म्हणुन उजवा हात पिरगळला व त्याचे अंगावर ओढले त्यावेळी फिर्यादी यांनी त्याला ढकलत असताना त्याने फिर्यादी यांचा गाउन ओढुन फाडला. त्यामुळे फिर्यादींच्या मनास लज्जा उत्पन्न झाली.
दरम्यान, अजय घोणे याने पतीस आरेरावी करून शिवीगाळ केली आहे असेही फिर्यादीत म्हटले आहे. या घटनेमुळे दौंड शहरात भीतीचे वातावरण असून आरोपीच्या गुन्हेगारी प्रवृत्तीविषयी स्थानिकांमध्ये संताप व्यक्त केला जात आहे. घटनेनंतर दौंड पोलिसांनी तत्काळ गुन्हा दाखल केला असून तपास पोलीस उपनिरीक्षक कदम करीत आहेत.
दौंड पोलीस ठाण्याचे वरिष्ठ पोलीस निरीक्षक गोपाळ पवार यांनी नागरिकांना आवाहन केले आहे की, “कोणाकडूनही हप्त्याची मागणी, धमकी किंवा खंडणीविषयक त्रास होत असल्यास त्वरित पोलिसांकडे तक्रार द्यावी. अशा प्रवृत्तीला आळा घालण्यासाठी नागरिकांनी पुढे येणे आवश्यक आहे.”
