PI Sandeep Bhosale Passes Away : वरिष्ठ पोलीस निरीक्षक संदीप भोसले (वय ५५) यांचे गुरुवारी सकाळी निधन झाले. गेल्या काही वर्षांपासून ते कर्करोगाशी झुंज देत होते. आजाराशी सतत सामना करत असताना अखेर त्यांनी प्राण सोडले. त्यांच्या पार्थिवावर हडपसरच्या अमरधाम स्मशानभूमीत आज सायंकाळी चार वाजता अंतिम संस्कार होणार आहेत. (PI Sandeep Bhosale Passes Away)
संदीप भोसले यांनी आपल्या सेवेत वेगवेगळ्या पोलीस ठाण्यांमध्ये तसेच गुन्हे शाखेत काम केले. २०२२-२३ दरम्यान ते गुन्हे शाखेच्या युनिट १ मध्ये पोलीस निरीक्षक होते आणि त्या काळात त्यांनी अनेक गुन्हे उघडकीस आणण्यात महत्त्वाची भूमिका बजावली. त्याआधी ते कोंढवा पोलीस ठाण्यात गुन्हे निरीक्षक म्हणून कार्यरत होते.
लोकसभा निवडणुकीच्या काळात गृह जिल्हा असल्यामुळे त्यांची बदली औरंगाबादला करण्यात आली होती. निवडणुका संपल्यानंतर आजारपणामुळे त्यांना पुन्हा पुण्यात गुन्हे शाखेत बदली झाली. मागील काही महिन्यांपासून ते प्रकृतीशी लढा देत होते. त्यांच्या पश्चात पत्नी आणि दोन मुलांचा परिवार आहे.
