नवीन संसद भवनात गळती; ड्रममध्ये जमा केलं जातंय गळतीचं पाणी, व्हिडिओ व्हायरल

Water Leakage in Parliament : पावसाळा सुरु झाला की अनेक जुन्या घरांच्या भिंतीवर ओल चढणे किंवा पावसाच्या पाण्यांनी घर गळती सुरु होणे हे आपण ऐकलं असेलच… पण प्रत्यक्ष नव्या संसदेच्या छताला गळती लागली आहे. हे एकूण नवलच वाटतयं. होय ते पाणी साठवण्यासाठी मोठा ड्रम ठेवण्यात आला आहे. हा व्हिडिओ कॉंग्रेसच्या खासदाराने शेअर केला असून बाहेर पेपर लीक, आता छत लीक, असे कॅप्शन देत टीका केली आहे. यासंदर्भात विरोधी पक्षांनी तीव्र आक्षेप घेतला असून त्यासाठी संसदेत स्थगिती प्रस्ताव मांडला आहे.

Paper leakage outside,
water leakage inside. The recent water leakage in the Parliament lobby used by the President highlights urgent weather resilience issues in the new building, just a year after completion.
Moving Adjournment motion on this issue in Loksabha. #Parliament pic.twitter.com/kNFJ9Ld21d

— Manickam Tagore .B🇮🇳மாணிக்கம் தாகூர்.ப (@manickamtagore) August 1, 2024

तामिळनाडूचे विरुधुनगरचे खासदार मणिकम टागोर यांनी हा व्हिडिओ पोस्ट केला. तो व्हायरल होऊ लागला असून सपाचे प्रमुख अखिलेश यादव यांनी देखील या व्हिडिओवरुन मोदी सरकारवर टीका केली आहे. राष्ट्रपतींच्या वापरासाठी असलेल्या संसद लॉबीमध्ये ही गळती होत आहे. दिल्लीत मोठा पाऊस पडत आहे. नवी संसद बांधून एक वर्ष झाले, तरीही गळती लागल्याने कॉंग्रेसने लोकसभेत स्थगन प्रस्ताव आणणार आहे, असे टागोर यांनी म्हटले आहे.

इस नई संसद से अच्छी तो वो पुरानी संसद थी, जहाँ पुराने सांसद भी आकर मिल सकते थे। क्यों न फिर से पुरानी संसद चलें, कम-से-कम तब तक के लिए, जब तक अरबों रुपयों से बनी संसद में पानी टपकने का कार्यक्रम चल रहा है।

जनता पूछ रही है कि भाजपा सरकार में बनी हर नई छत से पानी टपकना, उनकी… pic.twitter.com/PpJ36k6RJm

— Akhilesh Yadav (@yadavakhilesh) August 1, 2024

दरम्यान, या पाणीगळतीवर समाजवादी पक्षाचे अध्यक्ष व कन्नौजचे खासदार अखिलेश यादव यांनी खोचक पोस्ट शेअर केली आहे. “नव्या संसदेपेक्षा तर जुनी संसद चांगली होती, जिथे जुने खासदारही येऊन भेटू शकत होते. पुन्हा जुन्या संसदेतच जाऊयात का? किमान जोपर्यंत नव्या संसदेत हा पाणीगळतीचा कार्यक्रम चालू आहे तोपर्यंत तरी? जनता विचारतेय की भाजपा सरकारच्या काळात बांधलेलं प्रत्येक नवीन छत गळणं हा त्यांनी विचारपूर्वक तयार केलेल्या डिझाईनचा भाग आहे की…”, असं यादव यांनी या पोस्टमध्ये म्हटलं आहे.