पटना : एका 27 वर्षीय तरुणीवर अज्ञात व्यक्तीने चाकूने सपासप वार करून तिची हत्या केल्याची धक्कादायक घटना गुरुवारी (ता. 15) घडली आहे. या हत्येची घटना मोलकरीण खोलीत गेल्यानंतर उघडकीस आली. तरुणीच्या अशा हत्येने परिसरात खळबळ उडाली आहे.
याबाबत मिळालेल्या माहितीनुसार, मागील सहा महिन्यापासून पटणामध्ये 27 वर्षीय तरुणी भाड्याच्या घरात एकटीच राहत होती. गुरुवारी रात्री तरुणीवर अज्ञात व्यक्तीने चाकूने सपासप वार करून तिची हत्या केली. स्वयंपाक घरातील गॅस सिलेंडरची पाईप तरुणीच्या तोंडात टाकून आग लावण्यात आली. आगीची घटना घडूनही याबाबत कोणालाही आजूबाजूला काहीच माहिती नव्हतं. या घटनेनंतर घरात काम करणाऱ्या महिलेला खोलीतील लाईट्स बंद असल्याने संशय आला. त्यानंतर तिने खोलीतील लाइट्स लावल्या त्यावेळी तरुणी भयंकर अवस्थेत रक्ताच्या थारोळ्यात अंथरुणात आढळून आली. त्यानंतर महिलेने जोरात आरडाओरड केल्यानंतर घराचे मालक आले त्यानंतर संपूर्ण घटनेची माहिती पोलिसांना देण्यात आली. याप्रकरणी पोलीस सीसीटीव्ही आणि आरोपीचा शोध घेत आहेत.
दरम्यान या तरुणीने मृत्यूआधी सकाळी दहा वाजता आपल्या आईला कॉल लावला. पण पुन्हा कुटुंबियांनी तिला फोन केला असता फोन बंद होता. तरुणी तीन बहिण- भावंड आहेत.तरुणीचा एक भाऊ प्रशिक्षणार्थी उपनिरीक्षक असून तो ट्रेनिंग घेत आहे.
