व्हर्जिनिया : भारतीय वंशाच्या आर्या वाळवेकरने ‘मिस इंडिया यूएसए २०२२’चा किताब जिंकला आहे. न्यू जर्सी येथे मिस इंडिया यूएसए’ स्पर्धेचे आयोजन करण्यात आले होते. या. सौंदर्यस्पर्धेत १८ वर्षीय आर्याने प्रथम क्रमांक मिळविला आहे.
तर या स्पर्धेत व्हर्जिनिया विद्यापिठाची विद्यार्थिनी सौम्या शर्मा ही दुसऱ्या क्रमांकावर होती तर न्यू जर्सीची संजना चेकुरी तिसऱ्या क्रमांकावर होती.
दरम्यान, या वर्षी या स्पर्धेचा ४० वा वर्धापन दिन असून भारताबाहेर आयोजित करण्यात येणारी ही सर्वात जास्त काळ चालणारी भारतीय विजेतेपद स्पर्धा आहे. वर्ल्डवाईड पेजेंट्सच्या बॅनरखाली ही स्पर्धा प्रथम न्यूयॉर्कमधील भारतीय-अमेरिकन धर्मात्मा आणि नीलम सरन यांनी आयोजित केली होती.
किताब जिंकल्यानंतर आर्या म्हणाली की, “स्वत:ला मोठ्या पडद्यावर पाहणं, चित्रपट किंवा टेलिव्हिजनमध्ये काम करणं हे माझं लहानपणापासूनचं स्वप्न आहे.”
