पुणे प्राईम न्यूज: अफगाणिस्तानच्या हेरात प्रांतात शनिवारी झालेल्या भूकंपामुळे किमान 2000 लोकांचा मृत्यू झाल्याची माहिती समोर आली आहे. तालिबान सरकारच्या प्रवक्त्याने ही आकडेवारी दिली आहे. देशाच्या माहिती आणि संस्कृती मंत्रालयाचे प्रवक्ते अब्दुल वाहिद रायन यांनी सांगितले की, हेरातमधील भूकंपातील मृतांचा आकडा मूळ अहवालापेक्षा जास्त आहे. तात्काळ मदतीचे आवाहन करताना ते म्हणाले की, सुमारे सहा गावे उद्ध्वस्त झाली असून शेकडो नागरिक ढिगाऱ्याखाली गाडले गेले आहेत.
Once again, children and families in Afghanistan have been affected by a devastating earthquake, this time in western Herat province.@UNICEFAfg is on the ground with our UN colleagues to assess the full impact. Our heartfelt condolences go out to all families affected. pic.twitter.com/BczC42jLnI
— UNICEF Afghanistan (@UNICEFAfg) October 7, 2023
संयुक्त राष्ट्रांच्या मानवतावादी कार्यालयाच्या एका अपडेटनुसार, 465 घरे उद्ध्वस्त झाल्याची आणि 135 घरांचे नुकसान झाल्याचे सांगण्यात आले. काही लोक कोसळलेल्या इमारतींखाली अडकले आहेत. शोध आणि बचावाचे प्रयत्न सुरू असल्याने यामध्ये मृतांची संख्या वाढू शकते असा स्थानिक अधिकाऱ्यांचा अंदाज आहे, असे यूएन कार्यालयाने म्हटले आहे. हेरात प्रांतात शनिवारी भूकंपाचे चार धक्के जाणवले होते.
हेही वाचा:
Pune News : सणसवाडीत पायी चालणाऱ्या नागरिकांची लूट; काही तासांत दरोडेखोरांना केले जेरबंद
Pune News : छायाचित्रे व्हायरल करण्याची धमकी देवून, २६ लाखांची फसवणूक
