Gauri Garge Suicide Case: भाजपाच्या नेत्या पंकजा मुंडे यांचे पीए अनंत गर्जे यांच्या पत्नीने आत्महत्या केल्याने राज्यात एकच खळबळ उडाली आहे. गौरी पालवे यांनी शनिवारी संध्याकाळच्या सुमारास आत्महत्या केली. या प्रकरणी सामाजिक कार्यकर्त्या अंजली दमानिया यांनी तर पत्रकार परिषद घेत अनेक धक्कादायक आरोप केले. या प्रकरणाची आता कसून चौकशी करावी, अशी मागणी जोर धरत आहे. या प्रकरणावर आता मुख्यमंत्री देवेंद्र फडणवीस (Devendra Fadanvis On Gauri Garge Suicide Case) यांनी आपली पहिली प्रतिक्रिया दिली आहे.
मुख्यमंत्री Devendra Fadanvis काय म्हणाले?
मुख्यमंत्री देवेंद्र फडणवीस यांनी माध्यमांनी विचारलेल्या प्रश्नाला उत्तर देताना म्हटले की, “अद्याप माझ्याकडे या प्रकरणाबाबत पूर्ण ब्रिफिंग आलेलं नाही, तसेच याबाबत मला केवळ प्राथमिक माहिती मिळालेली आहे. पोलिसांकडून याबाबतचे ब्रिफिंगमिळाल्यावरच मला याबाबतीत बोलता येईल, असे माध्यमांना बोलताना मुख्यमंत्री फडणवीस यांनी म्हटले आहे.
