Junnar News : जुन्नर, (पुणे) : शेतीच्या कडेला बैल जोडीला विश्रांतीसाठी बांधले असता अचानक खांबाला दिलेल्या ताणामध्ये करंट उतरून शेतकऱ्याची दोन बैल जागीच ठार झाल्याची घटना जुन्नर तालुक्यातील मांडवे, पुताचीवाडी परिसरात घडली आहे. या घटनेने शेतकरी आर्थिक संकटात सापडला आहे.(Junnar News)
शेतकऱ्याची दोन बैल जागीच ठार.
मिळालेल्या माहितीनुसार, जुन्नर तालुक्याच्या उत्तरेकडील आदिवासी भागात पावसाचा जोर कायम असल्यामुळे भात लागवडीसाठी मशागतीची कामे चालू आहेत. भर पावसात शेतकरी आपल्या बैल जोडीसह शेतामध्ये काम करताना पाहायला मिळत आहे. मांडवे, पुताचीवाडी येथील भीमा विठ्ठल दाभाडे यांच्या शेतातील विदुत खांबाच्या ताणाला वीजप्रवाह आल्याने बैलाना विजेचा धक्का लागून दोन्ही बैल जागीच ठार झाले.(Junnar News)
सदर घटना समजताच विज महावितरण कंपनीचे आळेफाटा उपविभागाचे उपकार्यकारी अभियंता संतोष तळपे, ओतूर शाखा अभियंते ऋषीकेश बनसोडे, कोपरे मांडवे फिडरचे वायरमन सचिन देठे तसेच पशुवैधकीय अधिकारी डॉ. सचिन राहणे व डॉ. सी. बी. पथवे यांनी घटनास्थळी भेट देऊन पंचनामा केला.(Junnar News)
दरम्यान, शेतकऱ्याला शासनाने व विज महामंडळाने तातडीने आर्थिक मदत करावी अशी मागणी सरपंचांनी केली आहे. नुकसान ग्रस्त शेतकऱ्यांला तातडीने आर्थिक मदत न मिळाल्यास आंदोलनाचा इशारा यावेळी येथील आदिवासी ग्रामस्थांनी दिला आहे.(Junnar News)
