Thane Crime: ठाण्यातील कुटुंब न्यायालयाच्या आवारात घडलेल्या एका धक्कादायक प्रकरणाने शहरात खळबळ उडाली आहे. न्यायालयाच्या परिसरातच एका महिलेवर दोघांनी कारमध्ये सामूहिक अत्याचार झाल्याची माहिती समोर आली आहे. या प्रकरणी ठाणे नगर पोलीस ठाण्यात गुन्हा दाखल करण्यात आला आहे. (latest marathi crime news)
समोर आलेल्या माहितीनुसार, पीडित महिलेच्या केकमध्ये गुंगीचे औषध मिसळून तिला बेशुद्ध अवस्थेत आरोपींनी चारचाकीत सामूहिक अत्याचार केला. ही घटना 25 ऑगस्ट रोजी घडली. आरोपी हिरालाल केदार आणि रवी पवार यांनी न्यायालयाच्या आवारातील पार्किंग परिसरात हा प्रकार केल्याचे तक्रारीत नमूद करण्यात आले आहे.
पोलिसांनी आरोपी हिरालाल केदारला अटक केली असून रवी पवार फरार आहे. घटनेनंतर पीडितेला आरोपींकडून वारंवार ब्लॅकमेल केल्याचा आरोपही करण्यात आला आहे. अखेर त्रस्त झालेल्या महिलेने 5 डिसेंबर रोजी ठाणे नगर पोलीस ठाण्यात तक्रार दाखल केली आहे.
या घटनेने न्यायालय परिसरातील सुरक्षा व्यवस्थेबाबत गंभीर प्रश्नचिन्ह निर्माण झाले असून पुढील तपास सुरू आहे.
हेही वाचा: पुण्यात रक्तरंजित थरार..! चंदननगरमध्ये तरुणावर चाकूने सपासप वार; एकाचा जागीच मृत्यू, नेमकं काय घडलं?
