पुणे : बॉलिवूड अभिनेता सलमान खानचा ‘सिकंदर’ हा सिनेमा लवकरच प्रेक्षकांच्या भेटीला येणार आहे. या चित्रपटाच्या तिकिटामध्ये मोठी वाढ झाली आहे. या तिकिटाची किंमत ही वंदे भारत एक्सप्रेस पेक्षाही महाग आहे.मल्टिप्लेक्समध्ये प्रीमियर तिकिटांचे दर २२०० रुपये आहेत. तर सिंगल स्क्रीन थिएटरमध्ये रिक्लायनर सीट्ससाठी ७०० रुपये आकारण्यात येणार आहेत. तिकिटांच्या किंमती इतक्या असताना देखील चाहते तिकिट खरेदी करताना दिसत आहेत.
सिकंदर’ सिनेमाच्या अडवान्स बुकिंगला गुरुवार पासून सुरुवात झाली. अवघ्या २४ तासांमध्ये जवळपास ४ कोटी रुपयांची तिकिटे विकली गेली. चित्रपट ३० मार्च रोजी प्रदर्शित होणार आहे. अजून दोन दिवस शिल्लक असताना चित्रपटाने चांगली कमाई करण्यास सुरुवात केली आहे.. मुंबईतील मल्टिप्लेक्समध्ये ‘डायरेक्टर्स कट’ किंवा ‘लक्स’ तिकिटांचे दर हे २२०० रुपये आहेत. सामान्य मल्टिप्लेक्समध्ये तिकिटांचे दर हे मोठ्या शहरांमध्ये ८५० ते ९०० रुपये आहेत. तिकिटांची इतकी मोठी रक्कम देण्यासाठी सलमानचे चाहते तयार असतात.या बहुचर्चित आणि बहुप्रतिक्षित चित्रपटाची सर्वजण आतुरतेने वाट पाहात आहेत.
